Пишпÿлек библиотекинче чӑваш чӗлхине упраса хӑвармалли проект пурнӑҫланать

Пишпÿлекри тӗп библиотекăра Пушкӑрт Республикин Пуҫлӑхӗн грант фончӗ пулӑшнипе "Медиа-салон" проект пурнӑҫланать.
Аса илтеретпӗр, библиотека проекчӗ 2024 ҫулта ПР Патшалӑх чӗлхисемпе халӑх чӗлхисене упраса аталантарма субсиди формипе Пушкӑртстан Республикин Пуҫлӑхӗн гранчĕсен конкурсĕнче ҫӗнтернӗ. Асӑннӑ проекта Пушкӑртстан Республикинчи социаллӑ аталанӑва пулӑшу памалли Ыркăмӑллӑх фончӗ пурнӑҫланать, ӑна 6 ҫултан пуҫласа 12 ҫула ҫитичченхи ачасем валли уйӑрнӑ; чӑваш чӗлхине упрама чӑваш литературине популяризацилес тата тӑван чӗлхепе мультимедиа продукчӗсем туса хурас тӗллеве пуçарса янӑ.

Проектӑн партнерӗсем Пишпÿлек район администрацийӗ, Пишпÿлек районӗнчи чӑвашсен Канашӗ, Пушкӑрт Республикинчи чӑвашсен Канашӗ шутланаҫҫӗ.
Проект кӑҫалхи октябрьтен пуҫласа пурнӑҫланать те 2025 ҫулхи апрельте вӗҫленет. Ҫак тапхӑрта салона хутшӑнакансем чӑваш авторӗсен сӑввисемпе калавӗсен видеоне ҫырса пырӗҫ, малалла "Чӑвашла итлетпӗр" рубрикăна социаллӑ сетьре пичетлесе кӑларӗҫ. Ҫакӑ анлӑ интернет-аудитори валли чӑваш литературине явӑҫтармалли ҫӗнӗ формат йӗркелет. Ачасем тӑван чӗлхепе хӑйсем тӗллӗн тăватă мультимедиа продукчӗ туса хурӗҫ. "Чӑвашла вулама модăллă!» вулакансен муниципалитет проекчĕ фестивалӗн тепӗр пултарулӑх форми. Ҫак фестивале ачасен пултарулӑх вӑй-хӑватне пурнӑҫлама тата чӑваш чӗлхине ҫирӗплетме янӑ. "Вуланă. Ÿкернĕ!» чӑваш хайлавӗ тӑрӑх чи лайӑх буктрейлерпа республика конкурсӗн проекчĕ вӗҫленет. Проекта пула ачасем библиотекӑна ҫӳресси тата тӑван чӗлхепе кӑларакан кӗнекенесем кăларасси нумайланĕç.
Грант укҫи-тенкине пурнӑҫлама тытӑннӑранпа чӑваш наци костюмӗсем, тӑван чӗлхепе литература, сӗтелсемпе демонстраци витринисем, "Чӑваш Ен" регионти компонент" интерактивлӑ панель туяннӑ, унта чӑвашсен историйĕ, викторинăсем тата ытти те кӗрет.

https://culture.bashkortostan.ru/presscenter/news/675998