Шанӑҫпа савӑнӑҫ атмосфери

Республика фестивалӗ — "Кӗр сăри-2024" кӗрхи тулӑх уявӗ — ноябрӗн 23-мӗшӗнче Кармаскалă ялӗнче иртнӗ. Ку фестиваль — чӑвашсен йӑлана кӗнӗ хаклӑхӗсене пропагандӑласси, чӑваш юрă искусствине, наци кухнине сыхласа хӑварасси тата популяризацилесси. Виҫӗ тӗп номинаципе — "сăра" чӑваш наци ӗҫмелли, чӑваш наци кухнипе йӑли-йӗркипе е авалхи хӑна юррисемпе ирттерекен мероприятие республикӑри районсенчен 28 коллектив хутшӑннă. Сцена ҫине 300 ытла артист тухса каланă. Куравсенче чӑвашсен чаплӑ тумӗсене, шӑрҫапа тимĕр укçаран тунӑ наци эрешӗсене, ҫавӑн пекех чӑваш тумне тӑхӑннӑ пукане экспозицийӗсене, тӗрленӗ алшӑллисене, килти япаласене кӑтартнӑ. Сӑра шӗвекне тутанса пӑхма пулнă 26 ăстаçă хӑйӗн шӗвекӗн тĕсĕсене кӑтартса панӑ. Капăр наци ҫӗнӗ костюмĕсем, тӗрӗ орнаменчӗ, йӑла-йӗркесемпе юрӑсем — тӗлпулуран шанӑҫпа савӑнӑҫ атмосферине йӗркеленӗ. Пирӗн пултарулӑх коллективĕсемпе ăстасем мĕнпур номинацие те тивӗҫлӗ хутшӑннă, ултӑ диплом тата тав ҫырӑвӗсем илсе килнĕ. Ăстасем, Татьяна Шарипова тата Лариса Исаева чӑваш наци сӑра шӗвекне тăратнӑ.

Куравра Людмила Романова, Ирина Аглеева, Тамара Гончарова ӗҫӗсене тăратнă. Наци кухнин сӗтелӗ чи лайӑххисенчен пӗри пулнӑ. Районти Чăвашсен канашĕ тата Пишпÿлекри Культура керменĕ пулӑшнипе фестивале хутшӑнма тата опытпа ылмашма пултарнă.

Сăнÿкерчĕкĕсем: Пишпÿлекри Культура керменĕн социаллă сетьри страницинчен.

https://vk.com/bizbulyakdk