Пишпÿлекри 2-мĕш вăтам шкулта Чӑваш тӗррин кунне ирттернĕ

Ноябрӗн 27-мӗшӗнче Пишпÿлекри тĕп библиотека ĕçченĕсем Марина Алексеевна Яковлева– чӑваш секторӗн заведующийӗ тата Надежда Галидиновна Николаева - методика пайӗн заведующийӗ, Пишпÿлекри 2-мĕш вăтам шкулти 3 а класра вӗренекенсемпе, Чӑваш тӗррин кунне халалласа мастер-класс ирттернĕ. Марина Алексеевна чӑваш наци тӗррин уйрӑмлӑхӗсемпе йӑли-йӗркисем ҫинчен, тӗрӗсен вӑрттӑнлӑхӗ, чечексемпе усӑ куракан символсен пӗлтерӗшӗ ҫинчен каласа панă. Ҫавӑн пекех ачасем кӗнеке куравĕпе паллашнă, чӑваш костюмӗсем, тӗрӗсем тата тӗрӗсен тĕсĕсем ҫинчен ҫырнӑ кӗнекесене пӑхса тухнă. Курава тӗрленӗ салфеткӑсем, алшӑллисем, пуҫа тăхăнмалли тумсем, костюмсем, пуканесем илемлетнӗ.
Малалла ачасем пултарулӑх ӗҫне пикеннĕ, чӑваш тӗррисемпе орнаменчӗсене пурнӑҫлама вӗреннĕ, наци стилӗнчи салфеткӑна хӑйсен аллипе тӗрлесе пӑхнă.
Заняти пӗтсен, ачасем хӑйсен хӑнисене ярасшӑн пулман. Вӗсене тӗрлеме питӗ килӗшнĕ.
Ҫакӑн пек интереслӗ мероприятишӗн Марина Алексеевнапа Надежда Галидиновнана тав тӑватпӑр!
#Бижбуляк2школа

Сăнÿкерчĕкĕсем: Пишпÿлекри 2-мĕш вăтам шкулăн социаллă сетьри страницинчен.
https://vk.com/bssh2