Çутă çул
+4 °С
Уҫҫӑнах
Пур хыпар та
Общие статьи
25 Сентябрӗн 2019, 18:17

Кулăш — пурнăçра пулăш

Вунă минут кулни ĕмĕре миçе çула тăсать теççĕ-ха? Астумас… Çапах кăштах кулни ялан вырăнлă пулать.

— Хваттер илме черетре тӑратӑп теттӗн. Шӑвать-и черечӗ?

— Шутараҫҫӗ курӑнать-ха: виҫҫӗмӗшӗнчен вун виҫҫӗмӗшне ҫитрӗм.

***

Ваҫук ашшӗне:

— Ку ҫын учитель курӑнать.

— Мӗншӗн апла шухӑшлатӑн?

— Ларас умӗн пукана тимлӗн сӑнаса пӑхрӗ.

***


Пӗр арҫын ҫанталӑк прогнозне итлет. Лере «Ҫӗпӗрте 45 градус сивӗ» теҫҫӗ. Ку ӗненмесӗр юлташӗ патне Ҫӗпӗре шӑнкӑравлать:

- Итле-ха, унта сирӗн шартлама сивӗ теҫҫӗ, тӗрӗс-и?

- Ҫук, -20, -25 кӑна.

- Ҫапла-и? Радиопа 45 градус сивӗ терӗҫ те...

- Э-э-э... Вӑл урамри пирки-тӗр!

***


- Машенька, эсӗ хатӗр-и?

- Халех, анне, Фупаккӑҫа ҫеҫ илетӗп.

- Кама?

Хӗрачи пӳлӗмӗнчен тискер те хӑрушӑ пуканене илсе тухса амӑшне кӑтартать. Чӑрӑм-чарӑм, вараланчӑк та килпетсӗр теттене курсан амӑшӗ хӑй сисмесӗрех:

- Фу, паккӑҫ! — тет.

- Вот, аннеҫӗм, атте те ӑна ҫаплах чӗнет.

***


Пӗр чӑваш хӗрарӑмӗ лавккана пуҫ тури туянма кайнӑ тет. Сутӑҫа калать, тет:

— Мана поҫ тори пар-ха.

Лешӗ чӑвашла ӑнланмаскер:

— Который? — тесе ыйтнӑ.

— Кот тори мар, мана поҫ тори кирлӗ! — хуравланӑ вара хӗрарӑмӗ./Г. Дегтярёв каласа панинчен/

***


Яла ҫынсем килнӗ те пӗрисенчен ыйтнӑ, тет:

— Сире вутӑ кирлӗ-и?

— Ҫук, — тенӗ лешӗсем, хӑйсен вутти туллиех пулнӑран.

Ирхине варанаҫҫӗ тет те хайхисем, пахаҫҫӗ — вуттине пӗтӗмпех тиесе кайнӑ.

«Чăваш халăх» сайтĕнчен.
Читайте нас: