Пушкăртстанра 17 градус таран сивĕ пулĕ

Пушкăртстанра çак кунсенче йĕпе юр тата пăрлак (гололед) пулĕ. Башгидрометцентр даннăйĕсем тăрăх, вырсарникун, ноябрĕн 17-мĕшĕнче, хаш-пĕр районсенче кăнтарла кăштах йĕпе юр çăвĕ. Çил кăнтăр-хĕвеланăç, хĕвеланăç енчен вăтам хăвăртлăхпа вĕрĕ. Кăнтăрла +2, -3 градус пулĕ.

Тунтикун, ноябрĕн 18-мĕшĕнче , çĕрле вырăн-вырăн йĕпе юр çăвĕ, кăнтăрла йĕпе юр, хăш-пĕр çĕрте пăрлак. Çил çурçĕр-хĕвеланăç енчен вăтам хăвăртлăхпа вĕрĕ. Çĕрле 0, -5 градус, кăнтăрла -3,+2 градус пулĕ.

Ытларикун, ноябрĕн 19-мĕшĕнче, вырăн-вырăн çĕрле те кăнтăрла йĕпе юр çăвĕ, хаш-пĕр çĕрте пăрлак. Çил çурçĕр- хĕвелтухăç енчен вĕрĕ. Çурçĕр районсенче кăнтăрла тата çĕрле -12, -17 градус, кăнтăр районсенче çĕрле тата кăнтăрла -3,-8, кун таршшĕнче -12,-17 таран сивĕтме пултарать.

«Башинформ» ИА материалĕсем тăрăх.

Читайте нас: