Пушкăртстанра наци проекчĕн йĕркипе 72 модуллĕ ФАП туянаççĕ

«Вĕсенчен 57 ФАП туянма федераллĕ бюджетран, 15-не республика бюджетĕнчен укçа-тенкĕ уйăрнă. 2019 çулта республикăри адреслă инвестици программи шучĕпе тума тытăннă 13 фельдшерпа акушер пунктне хута ямалла», — тенĕ ПР Сывлăх сыхлав министрĕн çумĕ Динара Еникеева.

«Башинформ» агентство маларах пĕлтернĕ тăрăх, республикипе пĕтĕмпе авариллĕ шайри 300 яхăн фельдшерпа акушер пунктне улăштармалла. Пĕр ФАП хакĕ 3 миллионран пуçласа 5 миллион тенкĕпе танлашать. Модуллĕ ФАПсем ку чухнехи мĕнпур требованисемпе шайлашса тăраççĕ. Регион пуçлăхĕн Радий Хабировăн шучĕпе чи кирли — çĕнĕ ФАПсене пурне те фельдшерсемпе тивĕçтересси. «Сывлăх сыхлавĕ» наци проектне Раççей Президенчĕ Владимир Путин хушнипе ĕçлесе хатĕрленĕ.

«Башинформ» ИА материалĕсем тăрăх.