Çутă çул
+9 °С
Пӗлӗтлӗ
Пур хыпар та
Общие статьи
29 Кӑрлач 2020, 17:19

Радий Хабиров «Белое облако» сĕт завочĕн шăпине контроле илет

Пушкăртстан Пуçлахĕ Радий Хабиров Миякинче «Белое облако» брендпа кăларакан сĕт комбиначĕн ĕçченĕсемпе тĕл пулнă. Завод директорĕ Амир Исхаков каланă тăрăх, предприятие çаврăнăш укçи-тенки пулманран хупнă: завод 10 кун ытла ĕçлемест. Радий Хабиров Миякинче пулнă кун заводра ĕçлекенсем унран пулăшу ыйтнă, мĕншĕн тесен асăннă предприятинче 150 ытла çын вăй хурать.

Мияки район администрацийĕн пуçлăхĕ Ришат Актуганов каланă тăрăх, завод проблемисемпе правительствăн вице-премьерĕ — ялхуçалăх министрĕ Ильшат Фазрахманов ĕçлет, потенциаллă инвесторсемпе калаçу пуçланă, анчах хальлĕхе вĕсенчен усси çук.
Радий Хабиров çывăх вăхăтра ирттерекен инвест-часа завод директорне, район пуçлăхне тата заводăн представительне чĕннĕ.
«Проблемăна татса памалли пирки шухăшлăпăр, предприяти ĕçленмелле, çынсем хăйсен ĕç вырăнне таврăнмалла. Енчен те ĕç укçи тÿлессипе парăмсем пур пулсан, вĕсене парса татмалла», — тенĕ Радий Хабиров.
Мияки сĕт завочĕн финанс проблемине татса парайсан, завод 2-3 кунран ĕçлеме пуçламалла.
«Башинформ» ИА материалĕсем тăрăх.
Сăнÿкерчĕкĕ: Олег Яровиков.
Читайте нас: