Çутă çул
+9 °С
Пӗлӗтлӗ
Пур хыпар та
Общие статьи
23 Нарӑсӑн 2020, 15:14

Район пуçлăхĕ студентсемпе тĕл пулнă

Пирĕн района социаллă сферăра тата экономикăн тĕрлĕ отраслĕсенче пысăк квалификациллĕ çамрăк специалистсем питĕ кирлĕ. Вĕренсе пĕтерсен тăван района таврăнакансене район администрацийĕ пулăшма хатĕр. Çакăн çинчен, тĕпрен илсен, ĕнер район пуçлăхĕ Наиль Гатауллин студентсемпе тĕл пулса калаçнă та ĕнтĕ. Наиль Габдуллович, унăн çумĕсем, халăха ĕçпе тивĕçтерекен центр тата «Россельхозбанк» ертÿçисем студентсене ĕç тупма, субсидисем, çăмăллатнă кредитсем илме тата урăхла пулăшу пама май пурри çинчен каласа панă, района малалла аталантарас тĕлĕшпе палăртнă плансемпе паллаштарнă.

Тĕлпулава килнĕ студентсен кăсăклантаракан ыйтусем пама, хайсен сĕнĕвесемпе паллаштарма май пулнă. Сĕнÿсенчен чылайăшне ырласа йышăннă. Тĕслĕхрен, пирĕн район студенчĕсен пĕрлешÿне йĕркелеме калаçса татăлнă. Çакă студентсене пĕр-пĕринпе çывăхрах пулма, район администацийĕпе тачă çыхăну тытма пулăшĕ.
Малашне çакăн евĕр тĕлпулусене районта кăна мар, пирĕн студентсем вĕренекен вĕрентÿ учрежденийĕсенче те ирттерме калаçса татăлнă.
Читайте нас: