Пушкăртстанри 18 муниципаллĕ районта çул-йĕр правилисене пăснине автоматикăлла фотовидеофиксаци тăвакан тата 115 комплекс вырнаçтарнă

Республикăра çул-йĕр правилисене пăснине автоматикăлла фотовидеофиксаци тăвакан системăна аталантаракан проект пурнăçа кĕнипе çул-йĕр правилисене пăснине автоматикăлла фотовидеофиксаци тăвакан халĕ ĕçлекен 265 комплекссăр пуçне тата 115 комплекс вырнаçтарнă. Вĕсене Пушкăртстанри 18 муниципаллĕ районти çулсем çине лартнă. Камерăсем хăвăртлăх режимне пăснине фиксацилеççĕ.

Патшалăх контракчĕпе килĕшÿллен, «Башинформсвязь» ПАО Пушкăртстанри 62 муниципаллĕ районти çулсен авари пуласран хăрушă участокĕсене 609 камера выранçтарса лартать. Хальхи вăхăтра регионта 380 комплекс лартнă. Юлнă 229 комплексне 2020 çулхи майăн 1-мĕшĕччен хута ямалла.

Пурĕ республикăра февраль вĕçленнĕ тĕле çул-йĕр правилисене пăснине автоматикăлла фотовидеофиксаци тăвакан камерăсен шучĕ 770 çитнĕ.

ПР Транспорт тата çул-йĕр хуçалăхĕн патшалăх комитечĕ.

Читайте нас: