+8 °С
Ҫумӑр
Пур хыпар та
Общие статьи
12 Мартӑн 2020, 11:27
Путин Аргун ту хушăкĕнче пуçне хунисен çемьисене тÿлесси çинчен указа алă пуснă
РФ Президенчĕ Владимир Путин 2000 çулта Аргун ту хушăкĕнче паттăрла пуçне хунă 6-мĕш парашютпа десант ротин çар служащийĕсен астăвăмне чысланă мероприятисене хутшăнать.Владимир Путин 76-мĕш гварди десантпа штурм дивизин 104-мĕш полкĕн 6-мĕш ротинче çар служби иртнĕ çар служащийĕсене тата 2000 çулта Аргун ту хушăкĕнче пуçне хунисен çемьисене кашни уйăхра 65600 тенкĕ тÿлесси çинчен указа алă пуснă. Асăннă документа право информацин официаллă интернет-порталĕнче пичетленĕ.
«76-мĕш гварди десантпа штурм дивизин 104-мĕш полкĕн 6-мĕш ротинче çар служби иртнĕ çар служащийĕсене тата 2000 çулта Аргун ту хушăкĕнче пуçне хунисен çемьисене социаллă хÿтлĕхпе тивĕçтерес йĕркепе йышăнатăп: мартăн 1-мĕшĕнчен кашни уйăхра 65 619,5 тенкĕ тÿлемелле», — тенĕ документра.
104-мĕш полкăн 6-мĕш ротинче çар служби иртнĕ çар служащийĕсем 2000 çулта Чечняри Шатой районĕнче Шамиль Басаев тата Хаттаб боевикĕсемпе пĕр тан мар тытăçура пуçне хунă. Февралĕн 29-мĕшĕнчен пуçласа мартăн 1-мĕшĕччен пынă çапăçура 6-мĕш ротăн 90 салтакĕ туллă тата вăрманлă вырăнта сăрта йышăнса 2,5 пин çынран тăракан боевиксен группировкине хирĕç тăнă. Çапăçура 84 çар служащийĕ пуçне хунă.
Паттăрлăхшăн 22 десантника Раççей Геройĕ ят панă, вĕсенчен 21 çыннине — вилнĕ хыççăн. Паттăрлăх орденĕпе 68 салтакпа офицера наградăланă, вĕсенчен 63 — вилнĕ хыççăн.
Читайте нас:
© 2024 Сайт издания "Сута сул" Копирование информации сайта разрешено только с письменного согласия администрации.
Телефон
8(34743) 2-11-92
Адрес
452040, РБ, Бижбулякский район, с.Бижбуляк, ул. Советская, 31
Реклама пайĕ
8(34743) 2-12-83
Редакци
8(34743) 2-11-92
Йышăну пÿлĕмĕ
8(34743) 2-12-82
Кадрсен пайĕ
8(34743) 2-12-83