Путинăн ĕç йĕрки унчченхи пекех юлать

Раççей лидерĕн пресс-секретарĕ Дмитрий Песков Мускавра коронавируса пула хушма чикĕленисене кĕртнĕ хыççăн мĕнле ĕçлени çинчен пĕлтернĕ.

— Çук. Эпир унчченхи пекех ĕçлетпĕр, — тенĕ Песков президент тата администраци малалла мĕнле ĕçлеме шутлать текен ыйтăва хуравласа.

Март пуçламăшĕнче Пĕтĕм тĕнчери сывлăх сыхлав организацийĕ Китайран пуçланнă çĕнĕ коронавирус пандемийĕ пĕлтернĕ. Каярахпа организацин генераллĕ директорĕ Тедрос Аданом Гебрейесус пĕлтернĕ тăрăх, эпидеми центрĕ Европăна куçнă. Вилнисен шучĕпе малта Итали пырать, унтан Испани, КНР, Иран, Франци, Великобритани. Çакăнпа пĕрлех пуринчен ытла чир ернисен шучĕ СШАра — 124 пин ытла çын.

ВОЗ даннăйĕсем тăрăх, пĕтĕм тĕнчипе коронавирус 570 пине яхăн çынна ернĕ, 26 пин ытла çын вилнĕ.

COVID-19 вируспа Раççейре тата тĕнчипе йĕркеленнĕ лару-тăру çинчен стопкоронавирус.рф порталта пĕлме пулать.

РИА Новости материалĕсем тăрăх.