Чи кирлĕ таварсен çĕнĕ списокне çирĕплетнĕ

Списокри хăш-пĕр позицисене пĕтĕмпех кăларса пăрахнă, теприсене уйрăм пунктпа палăртнă.

Малашне список «Рекомендуемый перечень непродовольственных товаров первой необходимости» ятлă пулать.

Çĕнĕ списокран кăларса пăрахнă: автозапас пайсем (шинăсем, покрышкăсем тата ытти те), электричество оборудованийĕ, кабель продукцийĕ, йăлара усă курмалли приборсем, компьютер, электрон тата оптика оборудованийĕ, садпа пахча валли таварсем, строительство материалĕпе инструментсем, пушара хирĕçле таварсем, пичетленĕ СМИ, çын пытарма кирлĕ япаласем, очкисемпе линзăсем, табак продукцийе, чĕркевсем, этикеткăсем, кассă лентисем тата ытти таварсем.

Чи кирлĕ таварсен çĕнĕ списокĕнче — санитарипе гигиена маски, алăсем валли антисептик, нÿрлĕ тата типĕ салфиткесем, туалет тата хуçалăх супăнĕ, шăл çумалли пастăпа щетка, туалет хучĕ, гигиена прокладкисем, кĕпе çумалли порошок, ача-пăча подгузникĕсем, шăрпăк, çурта, тин çуралнă ачасен кипки, ача-пăча шампунĕ, ача-пăчана çитермелли кĕленче, соска, пиçсе кайнинчен сĕрмелли крем, бензин, дизель çункăçĕ, çутçанталăк газĕ, зоотаварсем. Апат-çимĕç мар таварсен çĕнĕ списокĕнче унчченхи пекех 23 позици.

Риа Новости