Пушкӑртра вӑрманти пушар хӑрушсӑрлӑхӗпе хушма мерӑсем йышӑнаҫҫӗ

Пушкӑрт Республикинче регион патшалӑх вӑрман фончӗн территорийӗнче пушар хӑрушсӑрлӑхӗн хушма мерисене вӑрманпа пушар станцийӗсен сотрудникӗсем йышӑнаҫҫӗ. Кун пирки регион Вӑрман хуҫалӑхӗн министерствин пресс-службинче "Башинформ" ИА пӗлтернӗ.

Вӑрманпа пушар станцийӗсен сотрудникӗсем пушара хирӗҫ тематикӑпа шлагбаумсем ҫине аншлагсем вырнаҫтараҫҫӗ. Кунсӑр пуҫне вӑрмансене вут-ҫулӑмран сыхлама палӑртнӑ вӑрман ҫулӗсене туса юсаса ҫӗнетес ӗҫ те пырать.

"Паянхи куна планлакан 200 аншлагран 37 аншлаг туса вырнаҫтарнӑ", — каласа панӑ министерствӑра.

Аса илтеретпӗр, пушара хирӗҫле уйрӑм йӗрке малалла пырать, ӑна 2023 ҫулхи майӑн 16-мӗшӗнчен пуҫласа уйрӑм распоряжениччен тӑснӑ.

Аншлагсене вӑрмансенче пушар хӑрушсӑрлӑхӗн мерисене пӑхӑнасси ҫинчен халӑха асӑрхаттарма палӑртаҫҫӗ. Шлагбаумсен пушара хирӗҫле пĕлтерĕшĕ пур, вӗсене пушар енӗпе хӑрушӑрах вырӑнсенче вырнаҫтараҫҫӗ. Шлагбаума пысӑк пушар хӑрушлӑхӗ сиксе тухсан хупаҫҫӗ.

https://www.bashinform.ru/news/social/2023-05-31/v-bashkirii-prinimayut-dopolnitelnye-mery-po-pozharnoy-bezopasnosti-v-lesah-3281552

Сӑнӳкерчӗкĕ: ПР Вăрман хуçалăхĕн министерствин пресс-служби.