Радий Хабиров ансат мар вӑхӑтра пушкӑрт халӑхӗпе пулнине палӑртнă

Пушкӑртстан Пуҫлӑхӗ хӑйӗн республика ертӳҫин вырӑнӗнче пилӗк ҫуллӑх ӗҫ пĕтĕмлетĕвĕсем ҫинчен каласа панӑ. Пилӗк ҫул каялла Владимир Путин ӑна регион Пуҫлӑхӗн тивӗҫӗсене пурнӑҫлама палӑртнӑ.
Ҫак ҫулсене Радий Фаритович пурнӑҫра чи телейлисем тенĕ.

– Шӑпах республикӑшӑн ҫак ансат мар вӑхӑтра эпӗ хамӑн халӑхпа пӗрле пулнӑран. Эпӗ хамӑрӑн Республикӑна Раҫҫейри чи ҫирӗп те аталанакан регионсенчен пӗри тӑвас тесе пӗтӗм вӑя хутăм. Паян вара эпӗ Владимир Владимирович Путина ун чухне пысӑк та вӑйлӑ республикӑна, Раҫҫейри чи тӗреклӗ регионсенчен пӗрне, тытса пыма шаннӑшӑн тав тӑватӑп. Республикӑра пурӑнакансене, мана суйласа илнисене тата çак ҫулсенче Пушкӑртстана ертсе пыма шаннисене тав тӑватӑп. Пулӑшнӑшӑн, чӑтӑмлӑхшӑн, патриотизмшӑн, Тӑван çӗршыва юратнӑшӑн тата ӗҫри ҫитӗнӳсемшӗн, - тенӗ Радий Хабиров Республика кунне халалласа ирттернĕ чаплӑ пухура.

bashinform.ru информаципе.
https://mgazeta.com/news/novosti/2023-10-11/radiy-habirov-v-eto-neprostoe-dlya-respubliki-vremya-ya-byl-so-svoim-narodom-3474762