Радий Хабиров: "Этнотуризм енӗпе Пӗтӗм Тӗнчери форума эпир Уфара виҫҫӗмӗш хут ирттеретпӗр"

Октябрӗн 24-мӗшӗнчен пуҫласа 26-мӗшӗччен Уфара этнотуризмпа III Пӗтӗм Тӗнчери форум иртет. Кун пирки ВК хӑйӗн страницинче Пушкӑрт Республикин пуҫлӑхӗ Радий Хабиров ҫырнӑ:
"Пирӗн республика питӗ хӑйне евӗрлӗ, кунта нумай халӑх представителӗсем пурӑнаҫҫӗ. Чи кирли - хӑйсен никампа танлаштарайманнине, культурине тата йӑли-йӗркине упраҫҫӗ.
Туризм индустрийĕ – экономикӑн пысӑк пайӗ, унпа производство, кану базисем, урӑх инфратытӑм тӑвасси, маршрутсем туса хатӗрлесси ҫыхӑннӑ. Ку отрасле аталантарассине эпир пысӑк тимлӗх уйӑратпӑр.
Раҫҫей Пушкӑртстанне тӗнчене уҫас тӗлӗшпе активлӑ ӗҫлетпӗр. Пирӗн уйрӑм территорисем, ҫутҫанталӑк, истори, культура палӑкӗсем пур. Туристсем пирӗн "Янган-Тау" тата "Торатау" геопарксене, Пӗтӗм тӗнчипе чапа тухнӑ Шульган-Таш çĕр хăвăлне пӗлеҫҫӗ.

Пирӗн республикӑра пурӑнакансемпе хӑнасем Пушкӑртстанра хӑтлӑ канма пултарччӑр тесе малалла условисем йӗркелетпӗр."

https://vk.com/radiyhabirov?w=wall413272232_1117413&ysclid=lo47zheg2j240066321