Юратнӑ ӗҫе тӑвакан, хӑй кӑмӑлне каякан профессие суйласа илнӗ ҫын телейлӗ

Ноябрӗн 16-мӗшӗнче Çирĕклĕри ял клубӗнче "Хамӑн профессие чӗнетӗп" профориентаци енӗпе информаци сехечӗ иртнӗ.
Лайӑх формӑпа ачасем повар, кондитер специальноҫӗсем ҫинчен информаци илнĕ.
Повар, кондитер ӗҫӗ çинчен Пелепейри механизаципе электрификаци колледжӗн Пишпÿлекри филиалĕн юлашки курс студенчӗ Татьяна Иванова каласа панă.
Повар апат-ҫимӗҫ хатӗрлемелли рецептсемпе технологине, апат-çимĕçе упрамалли правилӑсене пăхăнмаллине ачасем пӗлнĕ. Тутлӑ апат пӗҫерекен апат хатӗрлес тесен унӑн хатӗрленӳ процесне сӑнаса тӑмалла.
Клуб формированийӗсен коллективӗн ертӳҫи тата библиотекарь хӑйсен профессийӗн уйрӑмлӑхӗсем тата харпӑр хӑй пахалӑхӗсем ҫинчен каласа панӑ, клуб работникӗпе библиотекарь профессине илме май паракан вӗренӳ заведенийӗсемпе паллаштарнӑ.
Юратнӑ ӗҫе тӑвакан, хӑй кӑмӑлне каякан профессие суйласа илнӗ ҫын телейлӗ. Иртнӗ мероприяти ачасене професси суйланӑ чухне малашлӑхра пулӑшасса шанатпӑр.

Сăнÿкерчĕкĕсем: Çирĕклĕри ял клубӗн социаллă сетьри страницинчен.
https://vk.com/event135580128