"Эпир пӗр-пӗрне хӳтӗлетпӗр",

"Эпир пӗр-пӗрне хӳтӗлетпӗр",
- тенӗ Галина Скоробогатован ывӑлӗ, СВО зонине кайнӑ чух.
Ял старости, волонтер, ӗҫчен, кил хуҫи, пултарулӑх ҫынни, спортсменка, пӗрле ӗҫлекен тата чаплӑ анне - ҫакă пурте Ситекпуçĕнчи Галина Владимировна Скоробогатова пирки.
— Эпир пӗчӗк Тӑван ҫӗршыва нумаях пулмасть куҫса килтӗмӗр. Унччен эпир ҫемьепе Ханты-Манси автономи округӗнче Радужный хулинче пурӑнаттӑмӑр. Пуҫламӑш классен учителӗнче, ҫавӑн пекех ҫарпа патриотизм клубӗнче ӗҫлеттĕм. Халӗ эпӗ пенсире, - каласа парать мобилизациленӗ боецӑн амӑшӗ. — Пирӗн упӑшкапа иксĕмĕрĕн ывӑл тата хӗр пур. Ывӑл ҫемьере аслӑ ача. Эпӗ яланах асли ывӑл пултăр, йӑмӑкне хӳтĕлетĕр теттĕм. Хӗр Пишпÿлекри 3-мĕш вӑтам шкулта 9-мĕш класра вӗренет.
Галинăн ывӑлӗ кадет класӗнче вӗреннӗ, контрактпа икӗ ҫул службӑра тӑнӑ, киле таврӑннӑ. Ку вӑхӑталла ҫемье Пушкӑртстана пурăнма куҫнӑ. Ҫар комиссариатне учета тăнă, кӑшт каярах мобилизацилесси ҫинчен пӗлтернĕ.
— Вӑл повестка килессе кӗтрӗ, мӗншӗн тесен унӑн тусӗсем пурте СВО зонинчеччĕ. Хӑйне илмесрен кулянчĕ, анчах вӑл хӑйӗн ялти тусӗпе доброволеца ҫырӑнчĕ: "Эпир пӗр-пӗрне хӳтӗлĕпӗр", - терӗ. Паллах, сайра-хутра, анчах шăнкăравлать. Вӑл пире яланах хавхалантарать, "Пирĕн пурте лайӑх",- тет. Кӑҫал кӗркунне отпуска килсе кайрĕ, маскировка сеткисем ҫыхма хутшӑнчӗ. Нумаях пулмасть вӑл 25 ҫул тултарчӗ. Эпӗ унӑн юратнӑ "Наполеон" торт пӗҫерсе гумконвойпа ятӑм. Вӑл ӑна илнӗ, савӑнчӗ, - каласа парать Галина Владимировна.
Пирӗн вӑхӑтра салтак амӑшӗ пуласси — икӗ хут ансат мар ҫӗклем. Вӗсен ывӑлӗсем пирӗн ҫӗршыва хӳтӗленӗ чухне вӗсем хӑйсен лӑпкӑ паттӑрлӑхне тӑваҫҫӗ.
Галина Владимировна ял старости, волонтер ӗҫӗ-хӗлне активлӑ хутшăнать.
— Пирӗн ялти активисткӑсемпе хамӑр боецсем валли маскировка сеткисем яватпӑр, гуманитари пулӑшӑвӗ пухатпӑр. Пирӗн салтаксене яланах пӗр харӑс кӗтсе илетпӗр тата ӑсататпӑр, - палӑртать Галина Владимировна.
Неля САБАХОВА.
Сăнӳкерчӗкӗ: Галина Скоробогатован архивӗнчен.