Салтак амӑшӗ

Гузель Тамимдаровна Набиуллинан ывӑлӗ Тӑван çӗршыв интересӗсене хӳтӗлеме тӑма хăй ирӗкĕпе йышӑннӑ.
Анне - ҫын калакан чи черчен сӑмах, унран тӳрех ӑшӑрах та ҫутӑрах пулса каять. Вӑл яланах пулӑшма, хÿтĕлеме хатӗр. Ывӑлăн паттӑр решенине те пирӗн Тӑван çӗршыва нефашизмран хӳтӗлессине те. Ҫулталӑк ытла ӗнтӗ аннесем кӗтсе пурӑнаҫҫӗ... Вӗсем Тӑван çӗршыва сыхлама ятарлă ҫар операцийӗ иртекен зонӑна кайнӑ ывӑлӗсене кӗтеççĕ.
Тӑван çӗршыв интересӗсене хӳтӗлеме тăма Гузель Тамимдаровна Набиуллинан ывӑлӗ хăй ирӗкĕпе решени йышӑннӑ.
Гузель Тамимдаровна 1990 ҫултан пуҫласа 2020 ҫулччен Усак-Кичури фельдшерпа акушер пунктӗнче акушеркӑра ӗҫленӗ. COVID-19 пандеми тапхӑрӗнче вӑл Пишпÿлек районӗнчи тӗп больницӑн инфекци уйрӑмӗнче ӗҫленӗ. Халӗ вӑл районти поликлиникӑра медицина сестри пулса малалла тӑрăшать. Ӗҫтешсем каланӑ тӑрӑх, Гузель Тамимдаровна нихҫан та хуйхӑрмасть, паттăр та хастар, кашни пациентшӑн яланах ăшă сӑмах тупать. "Питӗ тимлӗ, ĕçне пĕлекен тата ыр кăмаллă" - ҫапла калаҫҫӗ ун пирки пациентсем. Хӑй вара ҫапла шутлать: унӑн профессийӗнче чи кирли — хисеплени, сăпалăх тата кирек мӗнле ҫынна та хӗрхенни.
Тӗп ӗҫсӗр пуҫне Гузель Тамимдаровна Калинин ял совечӗн депутачӗ пулса тӑрать. Ялти депутатсенчен ялăн хӑш-пӗр нушисене, пӗтӗмӗшпе илсен, вырӑнти халӑх ырлӑхӗшӗн мӗн тери оперативлӑ татса парасси килет.
Вӗсем Ринат Нигматбаевичпа пӗрле виҫӗ ача ҫитӗнтернӗ. Чи малтанах, ачасен патриотизм туйӑмне ӳстернӗ. 2020 ҫулта Набиуллинсен аслӑ ывӑлӗ сроклӑ службӑра пулнӑ. Ҫар службинче пысӑк кӑтартусемшӗн ӑна Аслӑ Ҫӗнтерӳ 75 ҫул тултарнине халалласа Хӗрлӗ площадьри парада хутшӑнма чысланӑ. Хальхи вӑхӑтра вӑл ятарлӑ ҫар операцийӗ иртекен зонӑра.
Кӗтесси — йывӑр япала, ҫавӑнпа Гузель Тамимдаровна тӗп ӗҫсӗр пуҫне волонтерсен юхӑмне хутшӑнать. Районти ытти ҫынсемпе пӗрле вӑл ҫар ҫыннисемшӗн гуманитари пулӑшӑвӗ пухать, килти кирек мӗнле хыпар та ачасене передовойра ӑшӑтма пултарнине лайӑх ӑнланать.
Анне кунĕ умӗн пур аннесене те сывлӑх, ырлӑх, тӑнӑҫлӑх тата пуç тăрринче сенкер тÿпе сунатпӑр.

Эльвира ТИКШАЕВА,
Пишпÿлекри ҫамрӑксен "Вектор" центрӗн ертӳҫи.

Санӳкерчӗкӗ: Гузель Набиуллинан архивĕнчен.