Ильнур Каримович Хисамутдинов ячĕллĕ асăну хăми уçнă

Ҫӗршыв историйӗнчи чаплă кун — Тӑван çӗршыв Геройӗсен кунӗнче, Кăрканти вăтам шкулта СВОра пуçне хунă Ильнур Каримович Хисамутдинов ячĕллĕ асăну хăми уҫасси иртнӗ.

Хăмана уҫнӑ церемоние Пишпÿлек район администрацийӗн пуҫлӑхӗ Артур Зарипов, администрации пуҫлӑхĕн социаллӑ ыйтусемпе кадрсем тĕлешпе ĕçлекен ҫумӗ Алексей Данилов, районти ветерансен канашӗн председателӗ Рафаель Ибраев, Кăркан ял совечӗн пуҫлӑхӗ Марат Яхин, "Защитники Отечества" фондӑн социаллӑ координаторӗ Рамиль Мухтасимов, Ильнур Каримович Хисамутдиновăн амăшĕ Гузалия хутшӑннӑ.

Мероприяти шкул музейӗн экспозицисене тата Ильнур Хисамутдинова халалланӑ кӗтесе пӑхса тухнинчен пуҫланнă. Малалла хӑнасем шкулӑн акт залне куҫнă, унта Ильнур Хисамутдинова халалланӑ чаплӑ митинг иртнӗ.

Мероприяти шкул ҫурчӗн фасадӗнчи асăну хăмине уҫассипе вӗҫленнӗ.

Сăнÿкерчĕкĕсем: Пишпÿлек район администрацин социаллă сетьри страницинчен.

https://vk.com/officialbiz