Эсĕ кӗт ҫеҫ

СВОна хутшăнакан "Кузнец" позывнойлă боец амӑшӗ ҫуралнӑ кун тĕлне вӑхӑтлӑха отпуска килсе çитнĕ.

— Пӗлтӗр сентябрь уйӑхӗнче вӑл Мускавра ӗҫлетчĕ, хӑй пурӑнакан вырӑнта ӑна повестка парсан, вӑл тепӗр куннех яла вӗҫтерсе ҫитрӗ, — каласа парать боецӑн амӑшӗ Ирина Николаевна. — Ывăл: "Манӑн унта пулмалла", — тесе ҫирӗп тăнинчен никам та тӗлӗнмерӗ, мӗншӗн тесен вӑл ачаранпах тӳрӗ кӑмӑллӑ, уҫӑ чĕреллĕ, чӑн-чӑн патриот пулса ӳсрӗ. Ятарлă çар операцийĕн зонинче вӗсем пирӗн ялтан виҫҫӗн пӗрле тӑраҫҫӗ, пӗр-пӗрне пулӑшаҫҫӗ.

Спортсмен, хӑйӗн тантӑшӗсем пекех, ӗҫчен, активлӑ — ял совет ӗҫченӗсем 27 ҫулти ҫамрӑк ҫынна ҫавӑн пек сăнласа параҫҫӗ.

— Эпир ӑна пурте кӗтетпӗр: ашшӗ-амӑшӗ, арӑмӗ, хӗрӗ, тӑванӗсем. Ывӑл "Ан кулянӑр, пурте лайӑх пулать" тенӗ сӑмахӗсем пирӗн ӗҫ тӗрӗс пулнине ҫирӗплетсе параҫҫӗ. Эпир хамӑрӑн геройпа питӗ мухтанатпӑр, — тет Ирина Николаевна.

"Кузнец" позывнойлă боец хӗҫпӑшал енӗпе юлташӗсемпе пӗрле ÿкернĕ видео ярса панă, унта боецсем ял ҫыннисене Учитель кунӗ ячӗпе тата Ватӑ çынсен кунӗ ячӗпе саламланă, хӑйсем валли массеть ҫыхакан хӗрарӑмсемпе хӗрачасене тав тунă. "Эсир ҫыхса тунӑ кашни сеть пире ҫӗнтерӳ патне ҫывхартать. Сирӗн ӗҫӗр хаксӑр", — теççӗ боецсем. Тӑванӗсемпе тусӗсем видеона яланах пӑхаççĕ, салтаксем киле таврӑнасса кӗтеҫҫӗ.

Галина ВАРИКОВА.

Сӑнӳкерчӗкĕ: ҫемье архивӗнчен.

Эсир ҫар службине контрактпа кайма е доброволецсен отрядне ҫырӑнма - ятарлӑ ҫар операцине хутшӑнма пултаратӑр. Ҫакна тума эсир военкомата пырса ҫар служби иртни ҫинчен е доброволецсен отрядне кӗме контракт тума хатӗрри ҫинчен пӗлтерме пултаратӑр. Военкомата кайма меллӗ вырӑн суйласа илĕр тата "Госуслуги" сервис урлă та çырăнма пулать.
Контракт тăвас ыйтусемпе республикӑра пурӑнакансем пӗрлехи справка номерӗпе 177, Лару-тӑру центрне 122 е 7 (347) 218-19-19, е "Манӑн документсем" МФЦ ҫывӑхри офисĕпе усӑ курма пултараҫҫӗ.
Аса илтеретпӗр, кӑҫал октябрь уйӑхӗнче Пушкӑртстан Пуҫлӑхӗ Радий Хабиров ҫар службине иртекен граждансен уйрӑм категорийӗсене социаллӑ пулӑшу памалли хушма майсем ҫинчен указа алӑ пуснӑ. Документпа килӗшӳллӗн, мобилизаци енӗпе чӗнсе илнӗ е ҫар службине чӗнсе илнӗ граждансем, 2023 ҫулхи ноябрӗн 10-мӗшӗ хыҫҫӑн контракт тусан 100 пин тенкӗ хушма тӳлев илӗҫ.