Арҫын Тӑван çӗршыва хӳтӗлемелле

Пирӗн ентеш СВО зонине камшӑн тата мӗншĕн кайни ҫинчен каласа панă.
Флюза Муллахметовнан халӗ Украинӑри ятарлӑ ҫар операцийӗн зонинчи ывăлĕшĕн чӗри пушшех çунма пуçланăранпа акӑ часах икӗ ҫул ҫитет — унта переҫҫӗ вӗт.
— Ывӑл — нефть компанийӗнче производство хӑрушсӑрлӑхӗн тӗп специалисчӗ, вӑл 35 ҫулта, — каласа парать "Кошмар" позывнойлă боец амӑшӗ. — Тамбовра службӑра пулчĕ вӑл, ҫар специальноҫӗ — спецназ, разведка, штурмлакан ушкӑн. Вӑл тӗллевлӗ, дисциплинӑллӑ, хӑюллӑ та яваплӑ ҫын, хастар, лайӑх вӗренчӗ, шкулта обществӑпа усӑллӑ ӗҫсене ялан хутшӑннӑ. Вӗсем, шăллӗпе иккӗшӗ, кирек хӑҫан та мала тухма тӑрӑшатчĕç, темле ҫамрӑк хӗрӳлӗх пурччĕ пулас вĕсенче. Унӑн Хисеп грамотисем, Тав ҫырӑвӗсем нумай. Ҫар тивӗҫне лайӑх пурнӑҫланӑшӑн опытлӑ штурмовиксенчен пĕри — штурмлама 30 ытла тухнӑскер — пӗрремӗш степеньлӗ "Çар паттӑрлӑхӗшӗн" медале тивӗҫнӗ.
Рота командирӗ нумаях пулмасть отпускра пулнӑ. Арӑмӗпе пӗрле вӗсем икӗ ача — хӗрпе ывӑл ҫитӗнтереҫҫӗ. Хунямӑшӗ кинне юратать, вӑл уншӑн хӗр пекех пулса тăнă. Флюза Муллахметовна Ханты-Манси автономи округне кайса килнĕ.
— Вӑл мана ҫапла каларӗ: "Анне, алла хӗҫпӑшал тытма пултаракан кашни арҫын Тӑван çӗршыва хӳтӗлемелле. Ку пирӗн арҫын тивӗҫӗ", — каласа парать хӗрарӑм. — Вӗсене апат-ҫимӗҫпе, тумтирпе тата ыттипе лайӑх тивĕçтереççĕ, посылкӑсем те яма кирлӗ мар, тет.
Шăпа çапла пулса тухнă: халӗ боец хăйĕн комбачĕпе пӗрле служит тӑвать, комбат унӑн сроклӑ службӑра тӑнӑ чухнех командирĕ пулнӑ. Ҫавӑнтанпа вӗсем туслашса кайнӑ, Флюза Муллахметовна каланӑ тӑрӑх, командирĕ — лайӑх ҫын, салтаксен кулленхи хаяр кунӗсенче вӗсем пӗр-пӗрне пулӑшаҫҫӗ.
Боец амӑшӗ ывӑлӗн позицийӗпе килӗшнӗ: вӑрҫӑра кирек тем те пулма пултарать, хӳтӗлевçĕсенчен кам та пулин ҫапӑҫу хирӗнче юлсан, хӑйӗн пурнӑҫне Тӑван ҫӗршывшӑн парсан, апла пулсан, унӑн шӑпи ҫавӑн пек. Куншӑн никама та айӑпламалла мар. Амӑшӗсен, арӑмӗсен, йӑмӑкӗсен, хӗрӗсен пирӗн салтаксемшĕн кӗл тумалла, кӗтмелле тата ӗненмелле.

Галина ВАРИКОВА.
Сӑнӳкерчӗкĕ: ҫемье архивӗнчен.
Эсир ҫар службине контрактпа кайма е доброволецсен отрядне ҫырӑнма - ятарлӑ ҫар операцине хутшӑнма пултаратӑр. Ҫакна тума эсир военкомата пырса ҫар служби иртни ҫинчен е доброволецсен отрядне кӗме контракт тума хатӗрри ҫинчен пӗлтерме пултаратӑр. Военкомата кайма меллӗ вырӑн суйласа илĕр тата "Госуслуги" сервис урлă та çырăнма пулать.
Контракт тăвас ыйтусемпе республикӑра пурӑнакансем пӗрлехи справка номерӗпе 177, Лару-тӑру центрне 122 е 7 (347) 218-19-19, е "Манӑн документсем" МФЦ ҫывӑхри офисĕпе усӑ курма пултараҫҫӗ.
Аса илтеретпӗр, кӑҫал октябрь уйӑхӗнче Пушкӑртстан Пуҫлӑхӗ Радий Хабиров ҫар службине иртекен граждансен уйрӑм категорийӗсене социаллӑ пулӑшу памалли хушма майсем ҫинчен указа алӑ пуснӑ. Документпа килӗшӳллӗн, мобилизаци енӗпе чӗнсе илнӗ е ҫар службине чӗнсе илнӗ граждансем, 2023 ҫулхи ноябрӗн 10-мӗшӗ хыҫҫӑн контракт тусан 100 пин тенкӗ хушма тӳлев илӗҫ.