Муртаза Губайдуллович Рахимов ҫуралнӑранпа 90 ҫул ҫитнине халалласа

Пушкӑртстан Республикин Пуҫлӑхӗн "Муртаза Губайдуллович Рахимов ҫуралнӑранпа 90 ҫул ҫитнине уявласси çинчен" Указне пурнӑҫланӑ май Пишпÿлекри "Умка" ача сачӗн аслӑ тата шкула хатӗрлекен ушкӑнсенче "Муртаза Губайдуллович Рахимова асӑнса" тематика сехетне ирттернӗ.
Воспитательсем ачасене Муртаза Рахимовӑн биографийӗпе, вӑл мӗнле вӗренни, нефтепровод тӑвакан заводра ӗҫлени, ахаль оператортан завод директорӗ таран ҫитни ҫинчен каласа панă. Республика пуҫлӑхӗ пулса тӑрса, вӑл ӑна чунтан парӑннӑ. Ачасем Пушкӑртстанри социаллӑ пурнӑҫпа экономика тата культура аталанӑвне Муртаза Губайдуллович мӗн тери пысӑк тӳпе хывнине пӗлнĕ. Вӑл пулӑшнипе вуншар ҫӗнӗ предприятисемпе производство уҫнӑ, ҫӗршер социаллӑ объект тунӑ, хуласемпе районсен ҫул-йӗр, инженери инфратытӑмне самаях ҫӗнетнӗ, пурӑнмалли ҫурт-йӗр строительствине сарса янӑ. Ачасем эпохан паллӑ ҫынни ҫинчен каласа панине интересленсе итленĕ.
Сăнÿкерчĕкĕсем: Пишпÿлекри "Умка" ача сачӗн социаллă сетьри страницинчен.

https://vk.com/public217412282