Пушкӑртри СВОна хутшăнакан хĕрарăма паттӑрлӑхшӑн Шаймуратов генерал медалĕпе наградӑланӑ

Пушкӑртри Благовар районӗнчи «Шеф» позывнойлă ятарлӑ ҫар операцине хутшӑнакан хӗрарӑма Шаймуратов генерал медалӗпе наградӑланӑ. Кун пирки муниципалитет администрацийӗн пуҫлӑхӗ Марат Юсупов пӗлтернӗ.

Ҫар службин наградине Пушкӑрт Пуҫлӑхӗн ҫар служащийӗсемпе ҫыхӑнса ӗҫлес ыйтусем енӗпе ӗҫлекен советникӗ Алик Камалетдинов панӑ. Вӑл "Шеф" пурнӑҫшӑн хӑрушӑ условисенче служба тивӗҫне пурнӑҫланӑ чухне паттӑр тата хăюллă пулнине палӑртнă.

"Хӗрарӑм характерӗнче эпир кашни хутӗнче ҫемҫелĕхпе хӑюлӑх тата паттăрлăх пулнине палӑртатпӑр", — тесе çырнӑ Марат Юсупов хӑйӗн телеграм-каналĕнче.

Аса илтеретпӗр, "Шеф" позывнӑйлă çар çынни ҫар службине "Башкортостан" мотострелковӑй полкри Ахмет Давыдов ячӗллĕ медицина ротинче повар пулса ӗҫлет. Вӑл ҫӗршыв Оборона министерствипе пӗлтӗр ҫулла контракта алӑ пуснӑ, пӗлтернӗ "Башинформ" информагенство. "Шеф" Самара облаҫӗнче боевой слаживани иртнӗ, унта ӑна тата темиҫе хӗрарӑма уй-хир условийӗсенче апат хатӗрлеме ҫеҫ мар, пеме те, медицина пулӑшӑвӗ пама та вӗрентнӗ. "Шеф" ӗҫлекен подразделени 2023 ҫулхи авӑн уйӑхӗнче ҫапӑҫусен территорине кӗнӗ.

Сӑнӳкерчӗкĕ: Пушкӑрт Республикинчи Благовар район администрацийӗн пуҫлӑхӗн Марат Юсуповӑн телеграм-каналӗ.

https://www.bashinform.ru/news/svo/2024-04-01/uchastnitsu-svo-iz-bashkirii-za-otvagu-nagradili-medalyu-generala-shaymuratova-3709283