2023 ҫулта СВОна хутшӑнакансене пулӑшма Пушкӑртра 5,1 миллиард тенкӗ янӑ

2023 ҫулта ятарлӑ ҫар операцине хутшӑнакансене тата вӗсен ҫемйисен членӗсене пулӑшма Пушкӑрт Республикинче 5,1 миллиард тенкӗ янӑ. Кун ҫинчен апрелӗн 8-мӗшӗнче, ПР Правительствин оперативлӑ канашлӑвӗнче Пушкӑрт финанс министрӗ Лира Игтисамова пӗлтернӗ.

Пушкӑрт Республикинче СВОна хутшăнакансене тата вӗсен ҫемйисен членӗсене пулӑшмалли 39 ытла мера ӗҫлет. Пулӑшу мерисемпе кунта паллашма пулать: https://mintrud.bashkortostan.ru/activity/39327/

Халӗ ҫӗр лаптӑкӗсене тӳлевсӗр уйӑрма хутшӑнакансене шута илмелли хут йӗркеленӗ. Ҫывӑх вӑхӑтра граждансен уйрӑм категорийӗсем валли 52478 тенкӗ номиналпа реабилитаци тума сертификатсене спецоперацие хутшӑнакансене кӗртме пуҫлаҫҫӗ. Пулӑшу паракансен вӑй-хӑвачӗпе усӑ куракан документсене реестра кӗртме хатӗрленеҫҫӗ.

— Пирӗн задача кунта аманнӑ хыҫҫӑн тата реабилитаци кирлӗ пулнӑ хыҫҫӑн киле таврӑннӑ ҫынсене пур енчен те пулӑшасси, — палӑртнă Лира Игтисамова.

https://mgazeta.com/news/SVO/2024-04-08/v-bashkirii-na-podderzhku-uchastnikov-svo-v-2023-godu-napravleno-5-1-mlrd-rubley-3719577