Хушăлкара авари сигнализацийӗпе тата авари чарӑнӑвӗн паллипе усӑ курма вĕренеççĕ

Ҫул-йӗр юхӑмӗ кӑткӑс процесс, унӑн хӑрушсӑрлӑхӗ теори пӗлӗвӗпе практикӑра усӑ курма пӗлнинчен килет.

Хушăлкари вăтам шкулта "Самоходнӑй машинӑсен ҫамрӑк водителӗсен шкулӗ" пĕрлешевĕн хушма пӗлӳ педагогӗ В.И. Яковлев «Авари сигнализацийӗпе тата авари чарӑнӑвӗн паллипе усӑ курасси" темӑпа уҫӑ заняти ирттернӗ.

Педагог авари сигнализацине хăçан хускатмаллине ӑнлантарса панӑ.

Авари сигнализацине:

- ҫул-транспорт инкекӗнче;

- чарӑнма юраман вырӑнсенче ирӗксӗрех чарӑнса тӑрсан;

- буксировкӑра (кӑкарса пыракан механика транспорт хатӗрӗпе);

- водитель фарӑсен ҫутипе суккӑрлансан;

- ачасене транспорт хатӗрӗ ҫине лартнӑ тата унтан антарнă чухне "Ачасене турттараççĕ" паллӑллă пулсан;

- водитель транспорт хатӗрӗ тума пултаракан хӑрушлӑх ҫинчен çул-йĕр юхăмне хутшӑнакансене асӑрхаттармашкӑн ҫутӑ сигнализацине хускатмалла.

Авариллĕ чарӑну палли — хӗрлӗ виҫкӗтеслӗх, водитель кирлӗ чухне ҫулӑн пӗр пайне ҫывхарса килекен транспорт енчен лартмалла.

Теори пӗлӗвӗсене ачасем практикӑра ҫирӗплетнӗ.

Тӗллевсемпе задачӑсене пурнӑҫланӑ. Ачасене ПДДпа экзамен панӑ чухне ҫитӗнӳсем тума тата пурне те водитель удостоверенине илме сунатпӑр!

Сăнÿкерчĕкĕсем: Пишпÿлекри ача-пӑча пултарулӑх центрӗн социалла сетьри страницинчен.

https://vk.com/public144264663