Космонавтика кунне халалласа интеллектуаллă вӑйă йĕркеленĕ

Калинин ял советĕнчи çамрӑксемпе ӗҫлекен специалист учительсемпе пӗрле Пӗтӗм Раҫҫейри "Теветкеллӗх, Космос, Ӑс-хакӑл, Ăнкарни, Хӑвӑртлӑх" интеллектуаллă вӑйă ирттернĕ.
Ӑс-хакӑл вӑййи виçĕ блокран тӑнӑ: "Космос уй-хирĕсем", "Космос ҫывӑх та инҫе", "Космос сӑн-питсемпе". Вӑйӑра логикӑпа шухӑшлама пӗлни ҫеҫ мар, лайӑх интуици пурри те кирлӗ пулнă.
Вӑййа икĕ команда хутшӑннă: "Спутник" тата "Ракета".
Командӑсен пӗлӗтри ӳтсемпе ҫыхӑннӑ, космос уҫлӑхне алла илнин историйĕпе ыйтусене хуравламалла, космонавтсене сăн-сăпачĕсенчен палламалла пулнă.
Командăсене вӑйă вӗҫленӗ хыҫҫӑн дипломсемпе наградӑланӑ.

#БижбулякскийРайон
#РИСККОСМОС2024
Сăнÿкерчĕкĕсем: Пишпÿлекри çамрăксен "Вектор" центрĕн социаллă сетьри страницинчен.
https://vk.com/club43415916