Пушкӑрт Пуҫлӑхӗ Мияки районӗнчи райцентрти ҫӗнӗ парка мухтанă

Радий Хабиров ҫакӑн пек лайӑх, ҫирӗп парксем кашни районта çук тесе шутлать.
Мияки районне ĕçпе кайсан Пушкӑрт Пуҫлӑхӗ Радий Хабиров райцентрта Миякинче культурӑпа кану паркне ҫитсе курнӑ. Муниципалитет ҫыннисем "Пурӑнмалли ҫурт-йӗр тата хула хутлӑхӗ" наци проекчĕн "Пурӑнмалли ҫурт-йӗр тата хула хутлӑхне йӗркелесси" федераци проекчӗпе общество территорине ҫӗнетессишӗн сасӑланă.
Парка тапхăрсемпе ҫӗнетнӗ: малтан кĕмелли çулсене, ҫуран ҫулсене асфальт сарнӑ, бордюрсем лартнӑ. Унтан 600 лармалли вырӑнлă трибунӑн уҫӑ та хупӑ пайне вырнаҫтарнă, картасем, аслӑк тата пусмасене йĕркеленĕ. Парк территорийӗнче ҫутӑ, спорт тата ача-пӑча площадкисем, тренажер комплексӗ, автогородок пур.
Радий Хабиров ҫӗнетнӗ общество анлӑшӗпе паллашнӑ, унтан Мияки район администрацийӗн пуҫлӑхӗпе Ришат Актугановпа пӗрле Афган вӑрҫинче ҫар тивӗҫне пурнӑҫланӑ чухне пуçне хунă Мияки районĕнчи çынсене халалланӑ мемориал патне чечексем хунӑ.
Радий Хабиров Пушкӑрт ҫӗрӗнче общество анлӑшне йӗркене кӗртнине тата тепӗр ҫултан "Пушкӑрт картишӗсем" программӑна укҫа-тенкӗ уйӑрасси нумайланассине палӑртнӑ.
https://mgazeta.com/news/novosti/2024-04-15/glava-bashkirii-pohvalil-v-raytsentre-miyakinskogo-rayona-novyy-park-3728897