Радий Хабиров Мăнкунпа Асӑну кунӗ валли хушусем панă

Пушкӑрт Пуҫлӑхӗ Радий Хабиров ЦУРти республика правительствин оперативлӑ канашлӑвӗнче хуласемпе районсен ертӳҫисене автобус маршручӗсем организацилеме тата Асӑннӑ кун масар ҫине хушма рейссем яма хушнӑ.

"Ҫавӑн пекех территоринчи ҫӳп-ҫапа пуҫтарассине тата турттарассине, шыв турттарассине тивӗҫтерме ыйтатӑп. Ку вӑл пирӗн масарсенче яланах йӗрке тытса тӑма сӑлтав", - тенӗ Хабиров.
Ҫавӑн пекех вӑл Мăнкун тапхӑрӗнче общество йӗркине вӑйлатма хушнӑ.

"Майӑн 4-мӗшӗнчен пуҫласа 5-мӗшӗччен Турӑ ҫурчӗсенче Христос Чӗрӗлсе тӑрса вилĕме çĕнтернĕ кун - Мăнкуна - халалланӑ чаплӑ кӗлӗсем иртӗҫ. Мероприятисене тивӗҫлӗ шайра йӗркелеме, ҫынсене кӗлӗ тума кайса килме май пама ыйтатӑп. Халӑх нумай пулать, атьӑр пурне те йӗркеллӗ ирттерер", - тенӗ регион Пуҫлӑхӗ.
Аса илтеретпӗр, Пушкӑртра Асӑну кунне апрелӗн 28-мӗшне палӑртнӑ.
https://www.bashinform.ru/news/social/2024-04-26/radiy-habirov-dal-porucheniya-k-pashe-i-dnyu-pominoveniya-3741406