Ӗмӗр асӑнмалӑх! Героя ӗмӗр-ӗмӗр мухтав!

Майӑн 15-мӗшӗнче Аит ялӗнче ятарлӑ ҫар операцийӗнче пуçне хунă Алексей Вячеславович Семеновпа сывпуллашу церемонийӗ иртнӗ.
Алексей Вячеславович 1980 ҫулхи майӑн 31-мӗшӗнче Пишпÿлек ялӗнче нумай ачаллӑ ҫемьере ҫуралнӑ. Сухоречка ялӗнче ӳснӗ. Унтах вӑтам шкултан вӗренсе тухнӑ. Пишпÿлекри професси училищинче механизатор профессине алла илнĕ. Чылай организацисенче тракторист пулса ӗҫленӗ. Юлашки ҫулсенче ҫемйипе пӗрле Аит ялӗнче пурӑннӑ. 2023 ҫулхи октябрьте РФ Оборона министерствипе контракт алӑ пуснӑ та ятарлӑ ҫар операцийӗн зонине тухса кайнӑ. Вӑл кӑткӑс, анчах хӑюллӑ решени йышӑннă. Ҫак ҫулсенче Алексей пурнӑҫ ҫине лайӑх пӑхнипе тӗслӗх кӑтартнӑ, лайӑххине ҫеҫ ӗненнӗ. Тӑван çӗршыва хӳтӗлеме тивӗҫ, паттӑрлӑх, тӑма хатӗр пулни уншӑн ҫывӑх пулнӑ.
2024 ҫулхи февральте Украина территорийӗнче ятарлӑ ҫар операцийӗ иртекен вырăнта çар заданине пурнӑҫласа, Тӑван çӗршывӑн чӑн-чӑн ывӑлӗ пуçне хунă.
Хурлӑхлӑ событипе ҫыхӑннӑ митинга салтакăн тӑванĕсем, тусĕсем, палланӑ ҫыннисем тата ял ҫыннисем пухӑннӑ.
Тӑван çӗршывӑн шанчӑклӑ ывӑлне юлашки çула ăсатма район администраци пуҫлӑхӗ Артур Зарипов, район администраци пуҫлӑхӗн заместителӗ Алексей Данилов, Аит ял тӑрӑх пуҫлӑхӗ Расиль Гимазетдинов, Сухоречка ял тӑрӑх пуҫлӑхӗ Владимир Вдовин, ҫар комиссариачӗн представителӗсем, ветерансем килнĕ.
Алексей Вячеславович - паттӑрлӑхпа çирĕплĕхĕн чӑн-чӑн тӗслӗхӗ. Вӑл ырӑ та йӗркеллӗ ҫын пулнӑ, чыспа тивӗҫлӗх ыйтӑвӗсем ҫине чун хавалӗпе пӑхнӑ. Ҫак ҫӑмӑл мар вӑхӑтра вӑл айккинче юлма пултарайман, Тӑван çӗршыва хӳтӗлеме тӑнă. Пирӗн паттӑр ентешӗмӗре ӗмӗрлӗхех асра тытӑпӑр. Вилнӗ геройӑн ҫемйипе ҫывӑх ҫыннисемпе пĕрле чӗререн хурланатпăр.
Героя ӗмӗр-ӗмӗр асӑнса, ӗмӗр-ӗмӗр мухтав!

Неля САБАХОВА.

Сăнÿкерчĕкĕ: Неля Сабахова.