Пушкӑртра регистраци номерӗсене пытарнӑшӑн 400 фурăн водительне штрафланӑ

2024 ҫул пуҫламӑшӗнчен пуҫласа Пушкӑртстанра регистраци номерӗсене пытарнӑшӑн 400 фурăн водительне штрафланӑ. Кун пирки Пушкӑртстан Пуҫлӑхӗ Радий Хабиров ертсе пыракан "Транспорт сехечӗн" форматӗнчи канашлура ПР патшалӑх автоинспекцийӗн начальникӗ Владимир Севастьянов пӗлтернӗ.
"Хӑш-пӗр транспорт хатӗрӗсен водителӗсем, республикӑри хысна укҫинчен хӑтӑлас тесе, хӑйсен патшалӑх регистраци паллисене пытараҫҫӗ. Кӑҫал асӑннӑ йĕркене пӑснӑшӑн патшалӑх автоинспекцийӗн сотрудникӗсем пысӑк машинӑсен 400 ытла водительне административлӑ яваплӑх тыттарнӑ. Яваплӑха 5 пин тенкӗ штраф виҫепе е 1-3 уйӑхлӑха руль умне лармалли правине ҫухатнипе палӑртаҫҫӗ", - тесе пӗлтернӗ ПР ГИБДД ертӳҫи.
Сӑнӳкерчӗкĕ: Ксения Калинина.

https://www.bashinform.ru/news/social/2024-05-23/v-bashkirii-za-sokrytie-registratsionnyh-nomerov-oshtrafovali-400-voditeley-fur-3778977