Пишпÿлекри 3-мĕш вăтам шкулта вĕренекенсем Удмурт Республикин тĕп хулинче пулса курнă

Июнӗн 1-мӗшӗнче Ачасене хӳтӗлемелли Пӗтӗм тӗнчери кун Пишпÿлекри 3-мĕш вăтам шкулта вĕренекенсем

Ижевска — Удмурт Республикин тӗп хулине кайнă. Унта вĕсем сахӑр вати, попкорн, кукуруза патакӗсем туса кӑларакан заводра пулса курнă. Пӑхса кӑна мар, хӑйсем те хатӗрлеме хӑтланса пӑхнă. Уяв ячӗпе вӗсене тутлӑ парнесем панă.

Унтан зоопарка ҫитсе курнă. Раҫҫейри чи лайӑх зоопарксен рейтингӗнче Ижевски зоопарк 3-мӗш вырӑн йышӑнать тата Европӑри чи лайӑх зоопарксенчен пӗри шутланать. Ижевскри зоопаркри чӗрчунсем ҫутҫанталӑкри условисем патне ҫывхартнă условисенче пурӑнаҫҫӗ, - йывӑҫсем, ӳсекен курӑксем, хӳтлӗхсемпе шӑтӑксем, канавсем, шыв-шурсемпе шывсиккисем, вольерсен ӑшӗнче выльӑх-чӗрлӗх вӑййисем валли ҫутҫанталӑк материалӗсем нумай.

Юлашкинчен «Парк чудесра» пулса курнă, физика законӗсемпе йĕркеленĕ аттракционсемпе лабиринтсем витӗр тухнă. Професси паркӗнче, экскурсоводсем тӗрлӗ профессисем ҫинчен каласа панă, мастер-классем йĕркеленĕ. Ачасем унта хастар хутшӑннӑ.

Ҫак уява ачасем хӑйсен туйӑмӗсемпе, ырӑ кăмăлĕсемпе асра тытӗҫ.

Сăнÿкерчĕкĕсем: Пишпÿлекри 3-мĕш вăтам шкулăн социаллă сетьри страницинчен.

https://vk.com/public206548118