Радий Хабиров: "Ӑслӑ хула" тытӑмӑн элеменчӗсене Пушкӑртстанри халӑх пурӑнакан вырӑнсенче планпа ӗҫе кӗртетпӗр

Радий Хабиров каланӑ тӑрӑх, ӗҫ нумай енпе пырать, сӑмахран, видео сăнавăн ӑс-хакӑл системисем аталанаҫҫӗ. Ку вӑл пирӗн халӑхӑн тата вӗсен пурлӑхӗн хӑрушсӑрлӑхӗ пулса тӑрать.

2019 ҫултан пуҫласа "Пушкӑрт картишӗсем" программа шайӗнче ҫурт ҫумӗнчи территорисенче видео сӑнавӗн 2 228 камерине вырнаҫтарнӑ. Кӑҫал планра тата 700 камера вырнаçтарасси. Вӑтамран кашни ҫӗнетнӗ картишне виҫшер камера тивет. Вӗсем ачасемпе спорт площадкисене, парк зонисене, парксене, подъездсен кӗмелли ушкӑнӗсене ҫавӑрса илеҫҫӗ.

Унсӑр пуҫне 1 816 видеокамера 2019 ҫултанпа "Пурӑнмалли ҫурт-йӗр тата хула хутлӑхӗ" нацпроектӑн "Хӑтлӑ хула хутлӑхне йӗркелесси" программа шайӗнче туса хатӗрленӗ.

«Уфа 450 ҫул тултарни тĕлне республикӑн тӗп хулине пысӑк тимлӗх уйӑратпӑр. Уфара пурӗ видео сӑнавӗн 2 852 камери ӗҫлет. Вӗсен ӗҫне пула кӑҫалхи тӑватӑ уйӑхра кӑна 14 преступлени уҫса панӑ», – тесе ҫырнӑ социаллӑ сетьсенче регион Пуҫлӑхӗ.

https://mgazeta.com/news/novosti/2024-06-04/radiy-habirov-elementy-sistemy-umnyy-gorod-planomerno-vnedryaem-v-naselyonnyh-punktah-bashkortostana-3797596