Баймак районӗнче СВОна хутшăнакан ҫӗнӗ хваттер уҫҫи илнĕ

Баймак районӗнчи Тубинский ялӗнче пурӑнакан "Казах" позывнойлă ҫамрӑк ҫын ҫав тери телейлӗ, вӑл ҫичӗ ҫул ҫӗнӗ хваттер кӗтнӗ вӗт. Вӑл отпуск вӗҫленнӗшӗн ҫеҫ кулянать, ку вара куҫас тата ҫурт-йӗре тирпейлес ӗҫе кайрана хӑварма тивнине пӗлтерет.

"Баймаковский вестник" хаҫат ҫырнӑ тӑрӑх, "Казах" позывнойлă боец ятарлӑ ҫар операцинче икӗ ҫула яхăн, уйрӑм мобилизаци шайĕнче повестка илнӗренпе ӗҫлет. Кӗске вӑхӑтлӑха отпуск вӑхӑтӗнче унӑн савӑнӑҫлӑ та нумайранпа кӗтнӗ ӗҫ пуласса, ҫӗнӗ хваттер уҫҫине илессе кӗтменччӗ вӑл. Боеца хваттере "тӑлӑх-туратсемпе ашшӗ-амӑшӗсӗр юлнӑ ачасене социаллӑ пулӑшу памалли хушма гарантисем çинчен" Федераци саккунӗпе килӗшӳллӗн панӑ.

Юнкун, июнӗн 19-мӗшӗнче, ҫар служащине хваттер уҫҫисене Баймак район администраци пуҫлӑхӗ Фанис Аминев чаплӑн тыттарнă. Район ертӳҫи ҫамрӑк боеца ҫакӑн пек пулӑшу хавхалантарасса, лартнӑ задачӑсене пурнӑҫлама тата хӑвӑртрах киле таврӑнма пулӑшасса шанать. Вӑл пирӗн боецсене чӗррӗн тӗрӗс-тӗкел, ҫӗнтерӳпе таврӑнма суннă.

Ҫар ҫынни хавас, унӑн эмоцийӗсем тулли. Вӑл хаҫат корреспондентне, паллах, тӑванӗсене пӑрахса каяс килмест, анчах "лента леш енче" ӑна çарти юлташĕсем кӗтеҫҫӗ, вӗсене улталама пултараймастӑп, тесе пӗлтернӗ. Вӑл хӑйӗн ентешӗсене пуҫ тӑрринчи мирлӗ тӳпене чӗререн суннă. Боец уйрӑм сӑмахсене воинсене пулӑшакансене, уйрӑммӑнах ҫак пулӑшу СВОра питӗ хаклине палӑртса каланă. Вӑл ентешсем кӗтнине тӳрре кӑларма тата ҫӗнтерӳпе киле таврӑнма сӑмах панă.

 

Сăнӳкерчӗкӗ: bv02.info сайтран.