Салтак курма килнӗ

"Янтарь" позывнойлă боец пĕчĕк тӑван ҫӗршывра отпускне ирттерет.

Ял ҫыннисемшӗн ҫуллахи вӑхӑт йӑлана кӗнӗ — чи хӗрӳ вӑхӑт, мӗншӗн тесен ҫак тапхӑрта ял тӑрӑхӗнче яланах ӗҫ нумай. Ҫавӑнпа та ҫулла отпуска шӑпах яла килекенсем сахал. Анчах, кирек мӗнле пулсан та, кунта та сайра хутра ҫеҫ пулакан уйрӑмлӑхсем пулаҫҫӗ.

— Эпӗ хамӑн черетлӗ ҫар отпускне пĕчĕк тӑван ҫӗршывра, вӑтӑр ҫул каялла ҫуралнӑ Ермолкинра, хамӑн асатте туса лартнӑ атте, анне тата асанне пурӑнакан кил-çуртра ирттерес терĕм, манӑн нумай йышлă тăвансем Пишпÿлек, Пăслăк тата Кистенлĕ ялӗсенче пурӑнаҫҫӗ, — тет отделени командирӗ, тӑванӗсем патне нумай пулмасть Украинӑри ятарлӑ ҫар операцийӗнчен курма килнӗ "Янтарь"  позывнойлă боец. — Мобилизаци хумне 2022 ҫулхи сентябрӗн 8-мӗшӗнче лекрӗм те Украинӑри ятарлӑ ҫар операцине хутшӑнма чӗнсе илчĕç. Вара пирӗн команда валли Тоцк полигонӗ боевой ҫапӑҫусен зонине каймалли вырӑнăн пуçламашĕ пулса тӑчӗ, унта, калас пулать, иккӗмӗш хут ҫамрӑк боецӑн тулли курсне тата ҫар ĕçĕсене хăнăхрăм тепĕр хут вĕрентĕм.

Ҫарӑн малтанхи шкулӗпе присягине "Янтарь" Тӑван çӗршыва чунтан парӑнса тата чыслӑ ӗҫлесе тӑма вунӑ ҫул каярах, ҫарта сроклă службӑра тӑнӑ чухне, 2012—2013 ҫулсенче йышӑннӑ. Вӑл артиллери ҫарӗнче Алтайри Алейск хулинче ҫар службине иртнĕ, БМП тата БТР механик-водителӗ пулнӑ. Ҫамрӑкшăн ҫарта ун чухне те, халӗ те ытлашши йывӑрлӑхсем çук, мӗншӗн тесен ӳт-пӗвӗ ҫителӗклӗ пиҫӗхнӗ. Ҫара кайиччен, тантӑшĕсем пекех, волейболпа тата футболпа интересленнӗ. Тухӑҫ кӗрешĕвĕсенче, уйрӑмах каратэре çитĕнÿсем тунă. Ку енӗпе пирӗн ентешӗн хӑмӑр пиҫиххи пур. Блоксем лартма, алӑсене, урасене тӗрӗс ҫапма пӗлни ӑна ҫапӑҫура пӗрре ҫеҫ мар пулӑшнӑ.

— Пӗлтӗр пире пурсӑмӑра та йывăртарах пулчӗ, — тет отпуска килнĕ боец. — Эпир ун чухне ҫапӑҫусен "хĕрлĕ" зонинче тӑраттӑмӑр. Вӑйлӑ ҫапӑҫусем Авдеевка енче пулчĕç. Кунтан тӑван-хурӑнташсемпе ҫывӑх ҫынсене шӑнкӑравлама май çукчĕ. Халӗ лару-тӑру чылай урӑхла. Пире урӑх еннелле куҫарчӗҫ. Шел, пирӗн подразделенинче Пушкӑртстанран ентешсем ҫук. Анчах пире шӑпах Пушкӑртра тунӑ маскировка сеткисем темиҫе хутчен те илсе килни савӑнтарать. Пирӗн мӗнпур блиндажсемпе окопсене, ҫар столовӑйӗпе салтак мунчине ҫав сеткăсемпе витсе хунӑ. Ҫар тивĕçтерĕвĕ лайӑх: пире вӑхӑтра апат-ҫимӗҫ те, блиндажсемпе траншейӑсем тума стройматериалсем те, паллах, ҫапӑҫу валли боеприпассем те парса тӑраҫҫӗ. Украина климачӗ кунта ҫемҫерех, кунта ӑшӑрах та пулать, анчах ӑна эпӗ аран-аран хӑнӑхса ҫитрӗм. Мана сывлама ҫӑмӑлтарах, пĕчĕк тӑван ҫӗршывра, хама та кунта лайӑхрах туятӑп. Ҫавӑнпа та отпуска Менеузра шыва кӗрсе, юратнӑ мӑшӑрпа тата ывӑлпа ҫырла пухса ирттеретĕп, ҫавӑн пекех атте-анне валли мунча милӗкӗ ҫыхса.

Пирӗн ентеше "Çар паттӑрлӑхӗшӗн" иккĕмĕш степеньлĕ медальпе тата "Çапӑҫури тава тивӗҫлӗ ӗҫсемшӗн" медальпе наградӑланӑ. Вӑл ҫӗнтерӳ нумай кӗттерес ҫуккине ӗненет. Вӑл Раҫҫей салтакӗсенче пулатех.

Владимир СМОЛОВ.

Сӑнӳкерчӗкӗ: Владимир Смолов.

Эсир ҫар службине контрактпа кайма е доброволецсен отрядне ҫырӑнма - ятарлӑ ҫар операцине хутшӑнма пултаратӑр. Ҫакна тума эсир военкомата пырса ҫар служби иртни ҫинчен е доброволецсен отрядне кӗме контракт тума хатӗрри ҫинчен пӗлтерме пултаратӑр. Военкомата кайма меллӗ вырӑн суйласа илĕр тата "Госуслуги" сервис урлă та çырăнма пулать.

Контракт тăвас ыйтусемпе республикӑра пурӑнакансем пӗрлехи справка номерӗпе 177, Лару-тӑру центрне 122 е 7 (347) 218-19-19, е "Манӑн документсем" МФЦ ҫывӑхри офисĕпе усӑ курма пултараҫҫӗ.