Пушкӑртра çичĕ уйӑх тăршшĕнче водительсем 3,6 млн "телей ҫырӑвӗсем" илнӗ

Çул камерисем пӗлтернӗ тӑрӑх, Пушкӑрт ҫӗрӗнче январь-июль уйӑхӗсенче 3,6 млн ытла административлӑ яваплӑха явӑҫтарасси ҫинчен постановлени йышӑннӑ. Вӗсен тӗп тӳпи хӑвӑртлӑха нормăран пысӑклатни, пӗлтернĕ республикăри ГИБДД.

Пушкӑрт территорийӗнче автомат фото-видеофиксацийӗн 1747 стационарлӑ комплексӗсемпе, 66 куҫса ҫӳрекен, 17 мобильлĕ комплексӗсемпе усӑ кураҫҫӗ. Вӗсенчен ытларахӑшӗ нумай функциллӗ шутланаҫҫӗ, пӗр вӑхӑтрах çул-йĕр правилисене пӑснă темиҫе тӗсе те ӳкерсе илме май параҫҫӗ.

Урамсем хӗресленнӗ ҫӗрте правилӑсене пӑсни питӗ хӑрушӑ. Ун пеккисене ҫичӗ уйӑх хушшинче камерăсем 182 пин ҫырса хунӑ.

Транспорт килекен хирӗҫ тӑрӑха тухнӑшӑн 1,1 пин ытла водителе штрафланӑ.

Йӗркелесе тӑман ҫулсемпе иртен-ҫӳренсене ирттерсе яманшӑн 21 пин водителе явӑҫтарнӑ.

Хӑрушсӑрлӑх пиҫиххийӗсемпе усӑ курманшӑн 83 пин ытла водителе штрафсем панă.

https://www.bashinform.ru/news/social/2024-08-13/v-bashkirii-za-7-mesyatsev-voditeli-poluchili-3-6-mln-pisem-schastya-3883852