Пишпÿлекри "Умка" ача садӗнче "Тимлӗр, ачасем!" профилактика акцийĕ ирттернӗ

"Тимлӗр, ачасем!" профилактика акцине ирттернӗ шайра Пишпÿлекри "Умка" ача садӗнче ачасен ҫул-йӗрпе транспорт травматизмне сирсе ярас енӗпе профилактика мероприятийӗсем иртеҫҫӗ. Çул-йӗрпе транспорт травматизмне сирсе ярас тӗллевпе ҫул ҫинче ачасене хӑрушсӑр тыткаламалли хӑнӑхусене йӗркелеççĕ.

"Тимлӗр, ачасем!" ПДД мероприятийӗсене ирттерме ҫул паллисене, светофор ӳкерчӗкӗсене, ҫуран ҫӳремелли ҫула, дидактика материалне туса хатӗрленӗ. Ачасемпе спорт ӑмӑртӑвӗ ирттернӗ. Хӑнана Незнайка пынӑ. Ачасемпе ҫитӗннисем Незнайкăна çул урлӑ тӗрӗс каҫма вӗрентнӗ, ҫул-йӗр правилисем ҫинчен каласа панӑ.

ОТ тата ПБ специалисчĕ Ю.С. Низамов тата патшалăх инспекторĕ полици капитанӗ Х. Т. Садыков ачасемпе ҫул ҫинчи хӑрушсӑрлӑх ҫинчен калаҫу ирттернӗ.

Сăнÿкерчĕкĕсем: Пишпÿлекри "Умка" ача сачӗн социаллă сетьри страницинчен.