Путин Вырӑс географи обществине 180 ҫул тултарнӑ ятпа саламланӑ

#владимирпутин

Раҫҫей президенчӗ Владимир Путин августӑн 18-мӗшӗнче Вырӑс географи обществине (РГО) 180 ҫул тултарнӑ ятпа саламланӑ.

Вӑл этемлӗхе Еврази, Лӑпкӑ Океан регионӗ, çавӑн пекех Арктикӑпа Антарктида ҫинчен питӗ нумай пӗлӳ панӑ открытисемпе паттӑрла экспедицисемшӗн РГО представителӗсене тав тунă.

 

«Ҫак легендарлӑ организацин Раҫҫей патшалӑхне аталантарас тата ҫирӗплетес, унӑн наукӑпа ҫар триумфне, наци пуянлӑхне ним ӳстермесӗр ӳстерме хывнӑ тӳпи пысӑк», - тенӗ Путин.

 

Унсӑр пуҫне Раҫҫей президенчӗ РГО пулӑшнипе ҫӗршыв ҫут ҫанталӑк пуянлӑхне шайлашуллӑ алла илсе усӑ курас тата глобальлӗ транспорт маршручӗсене йӗркелес енӗпе малта пыракансенчен пӗри пулнине пӗлтернӗ.

 

Ҫавӑн пекех вӑл шӑпах Вырӑс географи обществи ҫут ҫанталӑка сыхлас ӗҫе, ҫавӑн пекех пӗтӗм халӑх ҫыравне тата этнографи даннӑйӗсене системӑллӑ пухассине пуҫарса яраканӗ пулнине палӑртнӑ.

 

Ҫакӑнсӑр пуҫне РФ президенчӗ ҫӗр наукине чунтан парӑнса ӗҫлекен мӗнпур ученӑйсене тав тунӑ. Ҫавӑн пекех Путин ҫӗршыв гражданӗсен ӗмӗчĕсене пурнӑҫа кӗртме пулӑшакан РГО попечительсен тата медиасоветне тав тунă.

Сăнÿкерчĕкĕ: http://static.kremlin.ru/media/events/photos