Ачасем экологи квестне иртнĕ

Пишпÿлекри тӗп библиотекăра тӑван ен экологине халалланӑ экологи квесчӗ йӗркеленӗ. Вӑййа хутшӑнакансем Пелепейри механизаци тата электрификаци колледжĕн Пишпÿлекри филиалĕн студенчӗсем пулнă. Виҫӗ командӑна пайланса ачасем тӗрлӗ заданисене пурнӑҫласа вырăн-станцисем тӑрӑх куҫса ҫӳренӗ. Унта хутшӑнакансене кашни станцире хӑйне евӗрлӗ интереслӗ ыйтусем кӗтнӗ. Ачасем квестӑн пур тапхӑрне те ӑнӑҫлӑ иртнĕ, тимлӗхе, эрудицие тата команда пӗрлӗхне палӑртнă.
Сăнÿкерчĕкĕ: Пишпÿлекри тӗп библиотекăн социаллă сетьри страницинчен.