Пушкӑртстанра вӑрман мониторингӗ валли хушма 12 камера вырнаҫтарӗҫ

2023 ҫулта Пушкӑртстанра республикӑри пушар пулма пултаракан районсенче "Лесохранитель" пушарсене маларах тупса палăртмалли хушма 12 видеокамера лартма палӑртнӑ. Кун пирки республикăн ЧС патшалӑх комитечӗ пӗлтерет. Регионта "Вӑрман пушарӗсен мониторинг системи" проект 2021 ҫултанпа пурнӑҫланать. Ҫак вӑхӑтра Белорецк, Бурзян (икӗ комплекс), Учалă тата Мелеуз районӗсенче видеомониторингăн пилĕк комплексне йӗркеленӗ.
Маларах "Башинформ" республика 2022 ҫулта вӑрман пушарӗсемпе лайӑхрах кӗрешекен Топ-5 региона кӗни ҫинчен ҫырнӑччӗ. Республика территорийӗнче 66 вучаха регистрациленӗ. 40-шӗ вутпа асӑрханмасӑр тыткаланнине пула, 21-шĕ ҫутҫанталӑк факторӗсенчен пуҫланса кайнӑ.
"Башинформ" информацийĕпе.
Сăнӳкерчӗкĕ: ПР ЧС патшалӑх комитечӗн пресс-служби.