Пишпÿлекри "Умка" ача сачӗн аслă ушкӑнӗн воспитанникӗсем çурçĕр упин пӗтӗм тӗнчери кунне паллӑ тунӑ

Пишпÿлекри "Умка" ача сачӗн аслă ушкӑнӗн воспитанникӗсем çурçĕр упин пӗтӗм тӗнчери кунне паллӑ тунӑ. Ача сачĕн ячӗ те çурçĕр шурӑ упапа "Умкапа" ҫыхӑннӑ вӗт. Ҫакӑ экологи уявӗсенчен пӗри, ку кун ҫӗр çинче ҫухалма пултаракан чӗрчунсем ҫине уйрӑмах тимлӗ пӑхаҫҫӗ.
Тематика кунӗ шайӗнче ачасем шурӑ упасем ҫинчен презентаци пӑхнă тата çурçĕрти пӑрсем ирӗлесси тата нефть вырӑнӗсене туса хатӗрлесси тавралӑха варалас тӗлӗшпе шурӑ упа çухалса каяс хӑрушлӑх пирки Хӗрлӗ кӗнекене лекнине, вӗсене хӑратса тӑнине пӗлнĕ. Н.Сладковӑн "Пӑрсем хушшинче" хайлавне вуланӑ, ачасем ӳкерчӗкре хӑйсен пултарулӑхне кӑтартса шурӑ упасен ытарма ҫук ҫемйине ӳкернĕ.
Кун пек мероприятисем ачасене художествӑпа эстетика аталанӑвне витӗм кӳреҫҫӗ кӑна мар, ҫутҫанталӑка юратма тата хисеплеме те вӗрентеҫҫӗ.

Сăнÿкерчĕкĕсем: Пишпÿлекри "Умка" ача сачӗн социаллă сетьри страницинчен.
https://vk.com/public217412282