Пушкӑртстанра "Ешĕл Пушкӑртстан", "Астăвăм сачĕ" акцисем тата экологи субботникӗсем иртӗҫ

Вӗсене хатӗрленсе иртерессине республика Пуҫлӑхӗ Радий Хабиров ирттернӗ кашни эрнери оперативлӑ канашлура сӳтсе явнӑ.
Пушкӑртстанри пурӑнмалли ҫурт-йӗрпе коммуналлӑ хуҫалӑх министрӗ Ирина Голованова "Ешĕл Пушкӑртстан" проектӑн ҫурхи тапхӑрӗ апрелĕн 20-мӗшӗнче пуҫланни тата майӑн 10-мӗшӗнче вӗҫленесси ҫинчен пӗлтернӗ. Акцин пӗрлехи кунĕ апрелĕн 27-мӗшӗнче иртет.
Пушкӑртстанра ҫурхи экологи субботникӗсем те малалла тӑсӑлаҫҫӗ. Иртнӗ икӗ эрне хушшинче вӗсене 175 пин ҫын, ҫавӑн пекех 4 800 предприяти тата организацисем 2 253 техника явӑҫтарнипе хутшӑннӑ. Вӗсем 9 пин кубометр ҫӳп-ҫап пухнӑ та турттарса тухнӑ.
Республикӑри ЖКХ министрӗ Ирина Голованова ҫитес субботниксем апрелĕн 20 тата 27-мӗшӗсенче иртесси ҫинчен пӗлтернӗ.
"Ешĕл Пушкӑртстанпа" пĕрле "Астăвăм сачĕ" акци иртет.
Республикӑри вӑрман хуҫалӑх министрӗ Марат Шарафутдинов республика территорийӗнче 140 гектар ытла пӗтӗмӗшле лаптӑк хатӗрлени ҫинчен, унта 500 пин ҫӗнӗ йывӑҫ лартма палӑртни ҫинчен пӗлтернӗ.

https://glavarb.ru/rus/press_serv/novosti/176596.html

материалĕсем тӑрӑх.