Демскинчи вăтам шкулта Кӑсӑя кунне чысланӑ

Кăсăя кунӗ вӑл ноябрӗн 12-мӗшӗнче паллӑ тӑвакан питӗ кӑмӑллӑ та ырӑ уяв. Ӑна Раҫҫей кайӑк-кӗшӗкӗсене сыхлакан союзӗ йӗркеленӗ. Ҫак кун эпир хамӑрпа пӗрле хӗл каҫма юлакан кайӑксемшӗн тӑрӑшатпӑр: кӑсӑясемшĕн, щеголсемшĕн, сойкӑсемшĕн, чечеткӑсемшăн, свиристельсемшăн тата ыттисемшĕн те. Ҫак кун кайӑк-кӗшӗк валли искусственнӑй йӑвасемпе апат-ҫимӗҫ памаллисене ҫакса, кайӑк-кӗшӗксене тӑрантарма тытӑнас йӑла пур.
Демскинчи вăтам шкулта та Кӑсӑя кунне чысланӑ. 7-мĕш тата 9-мĕш классенчи ачасем уяв пуҫланнин историйӗпе паллашнă, пирӗн республикӑра вунă тӗрлӗ кӑсӑя пурӑннине пӗлнĕ. Кайӑк-кӗшӗксене хӗлле мӗнпе тӑрантарма май пуррине пĕлнĕ, пирӗн регионти пысӑк мар кайӑксен интереслӗ йӑвисене пӑхса тухнă.
Сăнÿкерчĕкĕсем: Демскинчи вăтам шкулăн социаллă сетьри страницинчен.
https://vk.com/club201675390