Пишпÿлекри 3-мĕш вăтам шкулта экологи сехечӗ иртнӗ

Пишпÿлекри 3-мĕш вăтам шкулта "Чечексен илемĕ чӗрене тыткӑна илнӗ" экологи сехечӗ иртнӗ. Ачасемпе экологи темине сӳтсе явнă: ҫутҫанталӑкра хӑвна мӗнле тытмаллине, мӗн тумаллине, мӗн тумалла маррине пĕлнĕ. Ачасем ыйтусем ҫине питӗ активлӑн хуравланă. "Экологи тата эпир" темӑпа вӗренӳ видеоурокне пăхнă, материала ҫирӗплетнĕ.
Хӗрлӗ кӗнеке мӗн иккенне, вӑл мӗн тума кирлине, сайра тӗл пулакан чӗрчунсене, ӳсентӑрансене, кӑмпасене упрама мӗн тунипе паллашнă та сӳтсе явнă. Урок пӗтес умӗн ачасемпе экологи темипе тупмалли сăмахсен тупсӑмĕсене тупнă.
Экологи сехечӗ кӑсӑк иртнӗ, ачасем пурне те пӗлесшӗн, активлӑ пулнă.

Сăнÿкерчĕкĕсем: Пишпÿлекри тӗп библиотекăн социаллă сетьри страницинчен.

https://vk.com/biblbib