Пушкăртстанра выльăх-чĕрлĕх ĕçĕнчи селекципе генетика центрĕсем тума пулăшу параççĕ

Вице-премьер – ялхуçалăх министрĕ Ильшат Фазрахманов субсидисене пама пуçличчен виçĕ çул маларах тума тытăннă объектсем субсиди илме пултараççĕ, тесе палăртса хăварнă.

Выльăх-чĕрлĕх ĕçĕнчи селекципе генетика центрĕсене тума кайнă тăкаксен 20 процентне яхăн субсидилеççĕ (НДС шута илмесĕр), анчах объектăн чи пысăк хăвачĕн хакĕнчен ытла мар. Сăмахран, мăйракаллă шултра выльăх селекцийĕ валли тăвакан селекципе генетика центрĕсене пĕр вăкăр-производитель пуçне 600 пин тенкĕ чикĕленĕ.

Хура-ула, хĕрлĕ, шупка хĕрлĕ ăратлă мăйракаллă шултра выльăхăн эмбрионĕсене ĕрчетме тата трансплантацилеме выльăх пуçне 500 пин тенкĕрен ытла мар. Сысна ĕрчетекен селекципе гибрид центрĕсене сысна ами пуçне 500 пин тенкĕ, кайăк-кĕшĕк ĕçĕнче ама кайăк усракан пÿлĕмри кашни тăваткал метр пуçне 50 пин тенкĕ субсиди памалла.

«Башинформ» ИА.