Путин апрельте электроэнергипе сахалрах усă курни пирки пĕлтернĕ

«Иртнĕ çулхи çак тапхăрпа танлаштарсан, электроэнергипе усă курасси 5 % чакнă, эппин, предприятисем хăйсен хăватне сахалрах ĕçлеттернĕ», — тенĕ вăл.

Путин шучĕпе энергоресурссемпе усă курни экономика кăтартăвĕсенчен пĕри пулса тăрать.

Мартăн 25-мĕшĕнче Путин коронавирус сарăлассине чарас тĕллевпе Раççейре мартăн 30-мĕшĕнчен пуçласа апрелĕн 5-мĕшĕччен ĕçлемелли мар эрне (ĕç укçине сыхласа хăвармалла) пулни пирки каланă. Тепĕр кунне Раççей правительстви влаçăн федераллĕ органĕсене предприятисенче май пур таран ытларах ĕçлекенсене инçетри ĕç йĕркине куçарма хушнă.

«Известия».