Майăн 1-мĕшĕ тĕлне республикăра ĕçсĕррисен шучĕ нумайланасса кĕтеççĕ

Вунă кун тăршшĕнче «Работа России» порталта Пушкăртстанри 10 пин çын регистрациленнĕ.

Çакăн пирки çемье, ĕç тата социаллă хÿтлĕх министрĕ Ленара Иванова республика правительствин оперативлă канашлăвĕнче пĕлтернĕ.

Министр сăмахĕсем тăрăх, асăннă порталта онлайн режимра ĕçсĕррисем регистрациленмелли вăхăтлăх правилисем апрелĕн 9-мĕшĕнчен вăйра тăраççĕ.

Ленара Иванован прогнозĕ тăрăх, майăн 1-мĕшнелле Пушкăртстанра ĕçсĕррисем хальхинчен 10 пин ытларах пулаççĕ.

Мартăн 26-мĕшĕнчен пуçласа апрелĕн 17-мĕшĕччен Пушкăртстанри 7,5 пин ытла ĕç паракан порталта регистрациленнĕ, тенĕ министр.

«Башинформ».

Читайте нас:

Новости партнеров