Сибайра «Зауралье-2021» инвестици сабантуй шайӗнче наци костюмӗсемпе иртеççĕ

Сентябрӗн 10-11-мӗшӗнче Сибай хулинче Пӗтӗм Раҫҫейри «Зауралье-2021» инвестици сабантуйӗ иртет.

Инвестсабантуй кунӗсенче наци кухнипе «КумысFEST» конкурс-фестиваль, ҫавӑн пекех наци костюмӗсем тӑхӑннӑ кавалькадӑллӑ ҫулҫӳрев ирттерме палӑртнӑ.

Аса илтеретпӗр, Пушкӑртстан Пуҫлӑхӗ Радий Хабиров хушнипе 2020 ҫултанпа наци костюмӗн кунĕ сентябрӗн иккӗмӗш эрнекунӗпе апрелӗн виҫҫӗмӗш эрнекунĕнче иртет. Официаллӑ даннӑйсем тӑрӑх, Пушкӑртстан Республикинче 160 наци тата 13 этника ушкӑнӗ пурӑнать. Кавалькада ҫулӗ ҫинче Инвестфорум хӑнисем пӑлхарсем, чеченецсем, украинецсем, тутарсем, пушкӑртсем, вырӑссем, узбексем, таджиксем тата ытти халӑх костюмӗсене курма пултарӗҫ.

Шествине хутшӑнма кӑмӑл тӑвакансем пурте пултараҫҫӗ. Анчах та пӗлтерӗшлӗ деталь пур, мероприятисене ирттермелли куна тӳрремӗнех регистрацилениччен 72 сехетрен кая мар маларах иртнĕ ПЦР-тест кăтартмалла.

 «Башинформ» информацийĕпе.