Владимир Путин Европăри энергорынокри йĕркесĕрлĕх сăлтавĕсене каланă

Раҫҫей Президенчӗ Владимир Путин Европӑра климат йывӑрлӑхӗсене тата инвестицисене чакарнине пула çункăçсен рынокӗсенче "истерикӑпа вӗҫӗ-хӗррисӗр йĕркесĕрлĕх" пулнине кӑтартрӗ, пӗлтерет ТАСС.

"Эсир Европӑра мӗн пулса иртнине куратӑр, унта истерика тата пасарсенче темӗнле пӑтрашу. Мӗншӗн? Мӗншӗн тесен ҫакна никам та тимлӗн пӑхмасть, хӑшӗ-пӗрисем климат улшӑнӑвӗсемпе спекуляцилеҫҫӗ, теприсем темскер хакламаҫҫӗ, теприсем ĕçлесе кăларакан отрасльсене паракан инвестицисене чакараҫҫӗ", — терӗ октябрӗн 5-мӗшӗнче правительство членӗсемпе канашлура Президент.

Владимир Путин экономика декарбонизацийӗ енне куҫасси тикӗс пулмаллине палӑртрӗ. "Ҫавӑн пек йӑнӑшсенчен сыхланма пирӗн, пирӗн ҫӗршывра, пур май та пур. Пӗр-пӗринпе килӗшсе тӑман йышӑнусем, пӗр-пӗринпе килӗшсе тӑман аталану тата енчен енне сулланни мӗн патне илсе пынине эпир куратпӑр. Паян ку Европа энергорынокӗнче лайӑх курӑнать", — хушса хучӗ Раҫҫей лидерӗ.

Владимир Путин симӗс энергетика малалла аталантарасси РФ валли тепĕр приоритет шутлать. Вӑл Раҫҫейӗн конкурентлӑ вӑйсем пуррине шанать.

ТАСС информацийĕпе.

Сăнÿкерчĕкĕ: kremlin.ru