Пушкӑртстанра налук тӳлекенсен шучӗ виҫӗ хут ӳснӗ

  Пушкӑртстанра кӑҫалхи октябрӗн 17-мӗшĕ тĕлне 64,7 пин налук тӳлекен (самозанятыйсем), професси тупӑшĕнчен налук тӳлекенсем пур, пӗлтерет регион правительствин пресс-служби.

2020 ҫулхи çакнашкал тапхӑрпа танлаштарсан, самозанятăйсен шучӗ 3 хут (2020 ҫ. 9 уйӑхра — 22 пин) ӳснӗ.

— Професси тупӑшӗнчен налук тӳлекенсене самозанятăйсем тесе условнӑ теҫҫӗ. Ку ятарлӑ налук режимӗ, ҫӑмӑллатакан ставкӑпа уйрăм çынсенчен 4 процент, юридика сăпачĕсенчен тата ИПсенчен тупӑшран 6 процент чухлӗ ставкăпа илесси. Унпа кӑмӑл туртнипе усӑ курма пулать. 2021 ҫулхи 9 уйӑхра Пушкӑртстанри Республика бюджетне 108,9 млн тенкӗ чухлӗ, пӗлтӗрхи шайран 3,8% чухлӗ ӳсӗмпе налук кӗнӗ, — палӑртрӗ Пушкӑртстанри финанс министрӗ Лира Игтисамова.

Професси тупӑшĕнчен налук тӳлекенсем 8,3 миллиард тенкӗ тупăш илнӗ. 14,5 млн ытла чек панӑ, вӑтам чек 570 тенкӗпе танлашнӑ. Хӑй ӗҫлекенсем е хӑйсем туса кăларнă тавара сутакансем çак налука тӳлеҫҫӗ, ҫав хушӑрах тара кӗрӗшнӗ ӗҫ договорӗсемпе ӗҫлемеҫҫӗ. Кунта маникюр ӑсти, водитель, репетитор, няня, сантехник, тӑлмач, дизайнер, ҫӗвӗҫ, юрист е мероприяти йӗркелекенӗ пулма пултарать. Ҫавӑн пекех ҫак налука хамӑр хваттере тара панӑ чухне тӳлеме пулать.

Официаллӑ майпа самозанятăй тата професси тупӑшӗшӗн налук тӳлес тесен "Мой налог" кӗсье приложенийӗнче е Госуслугинчи хӑйӗн кабинетӗнче регистрациленмелле, пӗлтернӗ Пушкăрт правительствин сайтӗнче.

 «МГ» информацийĕпе.