Кăлпасси 20 процента хаклăланать

Предприятисем суту-илÿ сечĕсем валли хаксене пăхса тухассипе çыхăннă сĕнÿсем хатĕрлеççĕ.

Аш-какайран продукци туса кăларакансен наци союзĕн директорĕ Екатерина Лучкина пĕлтернĕ тăрăх, чĕр тавар рынокĕнчи лару-тăрăва шута илсен, хаксем 10-30 % ÿснĕ.

Екатерина Лучкина чĕрĕ аш кăна мар, продукцие чĕркемелли материалсен, апат-çимĕç хутăшĕсен, картон, çумалли хатĕрсен тата ĕç ресурсĕн хакĕсем те ÿснине палăртнă.

Чĕр таварăн хакĕ 10-20% ÿсни октябрь уйăхĕнче туяннине шута илсе çулталăкри вăтам кăтарту шутланать.

Эксперт палăртнă тăрăх, хаксем ÿсни продукцин хăйхаклăхĕ ÿснине саплаштармасть.

 - Мĕншĕн тесен аш-какайран продукци туса кăларакансем çынсене аптратса ÿкермессе майсем шыраççĕ, - тенĕ Екатерина Лучкина.

Продукцин хăйхаклăхĕ ÿсни предприятисен тупăшĕ чакни патне илсе çитернĕ.

 - Чылай предприятин çак ĕçе малалла тăсма чарăнас, çука юлас хăрушлăх пур, - палăртнă эксперт.

МИХ информацийĕпе.